अभियान संवाददाता
काठमाडौं । काठमाडौं युनिभर्सिटी स्कूल अफ म्यानेजमेन्ट (कुसोम) लगातार दोस्रो वर्ष उत्कृष्ट बिजनेश कलेज अवार्ड जित्न सफल भएको छ । गत वर्षको अवार्ड पनि कुसोमले नै प्राप्त गरेको थियो । मूल्यांकनका २२ ओटा आधारमा बाँकी १ हजार ८३३ ओटा कलेजलाई पछाडि पार्दै कुसोमले अवार्ड हात पारेको हो । ‘न्यू बिजनेश एज प्रालि’द्वारा शुक्रवार आयोजित ‘न्यूबिज बिजनेश स्कूल कन्क्लेभ एन्ड अवार्ड–२०१९’ मा कुसोमलाई उक्त अवार्डबाट सम्मान गरिएको छ । अवार्डको यो पाँचौं संस्करण हो ।
रोजगारी बजार तथा उद्यमशीलताका लागि उपयुक्त शैक्षिक जनशक्ति उत्पादन गर्नु नै कुसोमको यस सफलताको आधार रहेको अवार्ड निर्णायक मण्डलको भनाइ छ । ‘व्यवस्थापनमा अगाडि’ नाराका साथ यो कलेज २०४८ सालदेखि सञ्चालनमा छ । यस कलेजमा बीबीए, एमबीए÷ईएमबीए, बीबीआईएस जस्ता व्यवस्थापन विषय पठनपाठन हुँदै आएको छ । कुसोमले इन्क्युबेशनका माध्यमबाट व्यवसायसहित विद्यार्थीलाई कलेजबाट बिदा गर्दै आएको छ । साथै, उद्यमशीलता विकासका लागि विभिन्न गतिविधि सञ्चालन र बिजनेश ‘हाउस’हरूसँगको सहकार्यमा विद्यार्थीलाई वास्तविक व्यावसायिक अभ्याससँग परिचित गराउनेजस्ता काम पनि उक्त कलेजले गर्दै आएको छ ।
कुसोमबाट उत्पादित जनशक्तिको बजारमा उच्च माग, उत्कृष्टस्तरको जर्नल प्रकाशन, गुणस्तरीय फ्याकल्टिज (शिक्षक), पूर्वविद्यार्थीको अद्यावधिक तथ्यांक र उनीहरूसँगको सहकार्य, पर्याप्त भौतिक संरचना तथा उच्चस्तरका विद्यार्थी एक्सपोजर कार्यक्रमहरू यसका सबल पक्ष हुन् ।
कुसोमले यसअघि सन् २०१३, २०१४ र २०१८ मा पनि उक्त अवार्ड हात पारिसकेको छ । कुसोम यस वर्षको उत्कृष्ट एमबीए र उत्कृष्ट बीबीए कलेजको अवार्ड प्राप्त गर्न पनि सफल भएको छ । अवार्ड हस्तान्तरणपछि बोल्दै कुसोमका डिन विजय केसीले कलेजले व्यवस्थापन विषयमा गरेको योगदानको कदर गरेकामा आभार प्रकट गरे । आगामी सेमेस्टरदेखि स्नातकोत्तर तहमा सार्वजनिक नीति तथा प्रशासन कोर्समा अध्यापन थाल्ने तयारी पूरा भएको उनको जानकारी दिए ।
देशभरका १ हजार ८३४ व्यवस्थापन कलेजमध्येबाट यसपटक उत्कृष्ट ४७ (विषयका आधारमा) कलेज सम्मानित भएका छन् । एमबीए, बीबीए विधाका उत्कृष्ट १०/१०, एमबीएस, बीबीएस, बीएचएम, पब्लिक विधाका उत्कृष्ट ५/५ र सातओटा प्रदेशबाट उत्कृष्ट १/१ कलेज सम्मानित भएका छन् । त्यसमध्ये हरेक विधा र प्रदेशका उत्कृष्ट १/१ गरी १३ ओटा कलेजलाई ‘शिल्ड’ तथा प्रमाणपत्रद्वारा सम्मानित गरिएको छ । बाँकी ३३ ओटा कलेज भने प्रमाणपत्रबाट सम्मानित भएका छन् ।
कार्यक्रमको प्रायोजक एभरेष्ट बैंकका प्रमुख कार्यकारी अधिकृत (सीईओ) सोमेश्वर सेठले भने, ‘हामी नेपालको समग्र व्यवस्थापन शिक्षालाई सुधार तथा सुदृढ गर्ने उद्देश्यले यसमा संलग्न भएका हौं ।’ बैंकको सामाजिक संस्थागत उत्तरदायित्व अन्तर्गतका कार्यक्रमहरूलाई जस्तै यसलाई पनि महŒव दिएको उनले बताए ।
उत्कृष्ट कलेजको छनोटमा सहभागी ‘जुरी लिडर’ तथा नेपाल सरकारका पूर्वसचिव किशोर थापाले व्यवस्थापन कलेजको मूल्यांकनमा पारदर्शी प्रक्रिया अपनाइएको बताए । ‘पेशागत दक्षता, निष्ठा र सदाचारमा आँच नआउने गरी मूल्यांकन गरेका छौं,’ उनले भने ।
उत्कृष्ट कलेज मूल्यांकनका आधार
एभरेष्ट बैंक लिमिटेडको मुख्य प्रायोजन रहेको उक्त कार्यक्रममा सह–प्रायोजक प्रभु बैंक, लक्ष्मी बैंक र एनएमबी बैंक थिए । अवार्ड कार्यक्रममा एनएलजी इन्स्योरेन्स कम्पनी र सूर्य लाइफ इन्स्योरेन्स पार्टनर थिए भने बीमा समिति र भिबोर क्यापिटल लिमिटेडको सहयोग थियो । कार्यक्रमको मिडिया पार्टनर सौजन्य मिडिया थियो ।
उत्कृष्ट १० एमबीए कलेज
उत्कृष्ट १० बीबीए कलेज
उत्कृष्ट ५ एमबीएस कलेज
उत्कृष्ट ५ बीबीएस कलेज
उत्कृष्ट ५ होटल म्यानेजमेन्ट कलेज
उत्कृष्ट ५ पब्लिक कलेज
पेट्रोल–डिजेलको मूल्य घट्यो
‘ग्लोबल रिच अष्ट्रेलियन एजुकेसन फेयर’ माघ ५ बाट, अष्ट्रेलियाका २५ बढी युनिभर्सिटीका प्रतिनिधि आउने
जलविद्युत कम्पनीका शेयरमा लगानीकर्ताको आकर्षण, एक महीनामा १९.६४ % बढ्यो परिसूचक
माघे सङ्क्रान्तिको दिन टुँडिखेलमा भीडमा च्यापिएर ११ जना घाइते
लक्ष्मी सन्राइज बैंकको २३औं साधारण सभा
बाटोले विकासको सम्भावना खुलेको छ : अर्थमन्त्री डा. महत
३८ करोडले घट्यो चिया निकासी
पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क
कृषिमा लगानीको तयारी गर्दै भाटभटेनी
नृसिंहधाम, जहाँ बन्नेछ नेपालको पहिलो पानीमुनिको मन्दिर ! [तस्वीरहरू]
विद्युतीय तार भूमिगत : साढे २ वर्षमा सक्नुपर्ने काम ४ वर्षमा पनि सकिएन