एशियन लाइफ इन्स्योरेन्सको नबिकेको हकप्रद शेयर लिलामीमा (कति कित्ता ?)

नरहरि आचार्य

जेठ २४, काठमाडौं (अस) । एशियन लाईफ इन्स्योरेन्स कम्पनीले हकप्रद शेयरमा नबिकेको शेयर असार १ गतेदेखि लिलामीमा विक्री गर्ने भएको छ । २ हजार ४२० दशमलव ७० कित्ता संस्थापक शेयर र २ लाख १८ हजार ९३९ दशमलव ०३ कित्ता शेयर लिलामीमा विक्री गर्न लागेको हो ।

शिलबन्दी बोलपत्र पेश गर्ने अन्तिम दिन असार ८ गतेसम्म रहेको छ । शेयरको न्यूनतम मूल्य प्रतिशेयर रू. १०० तोकिएको हुँदा सो वा सोभन्दा बढी मूल्य अंकित गरी बोलकबोल गर्नुपर्नेछ ।

आवेदकले शेयर खरीदको लागि बोलकबोल पेश गर्दा संस्थापक समूहतर्फको लागि न्यूनतम १ हजार कित्ताको लागि र सर्वसाधारण समूहतर्फको लागि न्यूनतम १०० कित्ताको लागि आवेदन दिनु पर्नेछ भने अधिकतम शेयर संख्याको लागि कुनै हद लाग्ने छैन । विक्री प्रबन्धक एनआइबिएल एस क्यापिटल लिमिटेड रहेको छ ।

प्रतिक्रिया [0]