खडेरी प्रभावित केन्याली नागरिकलाई चीनको सहयोग

नरहरि आचार्य

जेठ २८, नैरोबी । चीनले लामो खडेरीबाट सर्वाधिक प्रभाव परेको केन्याका लागि ११ हजार ८३५ टन चामल प्रदान गरेको चिनियाँ अधिकारीहरुले बताएका छन् । केन्याका लागि चिनियाँ राजदूत ऊ पेङले उक्त सहयोगको पहिलो खेप सुख्खा प्रभावित इलाकामा वितरण भइसकेको र बाँकी चामल पनि वितरणको क्रममा रहेको बताए ।

राजदूत पेङले दोस्रो खेपका रुपमा अरु १ हजार ५०० टन चामल ढुवानीको कार्य भइरहेको जानकारी दिए । उनले चीनको सहयोगमा आएको चामल एक समारोहबीच केन्याली अधिकारीहरुलाई हस्तान्तरण गरेका छन् ।

सन् २०१७ मा चीन सरकारले केन्याका निम्ति करीब दुई करोड २० लाख अमेरिकी डलर बराबरको आतकालीन मानवीय खाद्यान्न सहयोग उपलब्ध गराउने घोषणा गरेको थियो ।  सन् १९६३ मा स्वतन्त्र भएयता केन्यालाई चीन सरकारले १०० भन्दा बढी परियोजनामा वित्तीय सहयोग गरेको छ । यस्तो सहयोगमा अनुदान, निब्र्याजी ऋण र सहुलियत ऋण रहेको छ । रासस/सिन्ह्वा

प्रतिक्रिया [0]