बोर्डद्वारा सम्पती शुद्धीकरण सम्बन्धि निर्देशन जारी

नरहरि आचार्य

असार ७, काठमाडौं(अस) । नेपाल धितोपत्र बोर्ड(सेवोन)ले सम्पत्ति शुद्धीकरण तथा आतंकवादी क्रियाकलापमा वित्तीय लगानी निवारण सम्बन्धि निर्देशन, २०७६ जारी गरेको छ । बोर्डले साउन १ गतेदेखि लागू हुने गरी उक्त निर्देशन जारी गरेको हो । धितोपत्र तथा बस्तु बजर सम्बन्धि व्यवसाय तथा काम कारबाही यर कारोबारलाई पारदर्शी बनाई लगानीकर्ताको हित संरक्षण गर्न तथा उक्त व्यवसायमा संलग्न सबैलाई जिम्बेवार बनाउन बोर्डले यो निर्देशन लागू गर्ने भएको जानकारी दिएको छ । जोखिममा आधारित आन्तरिक निति, कार्यविधि तथा कार्य, ग्राहक पहिचान तथा सम्पुष्टि गर्ने तरिका, उच्च पदस्थ व्यक्तिको पहिचान अवलम्बन गर्ने उपाय, वास्तविक धनी पहिचान गर्ने सम्बन्धमा स्पस्ट व्यवस्था गरी यस निर्देशनले धितोपत्र बजारमा सम्पती शुद्धीकरण तथा आतंकवादी क्रियाकलापमा वित्तीय लगानी निवारण कार्यन्वयन गर्न सहज हुने आशा बोर्डले लिएको छ । सम्पत्ति सुद्धिकरण सम्बन्धि विद्यमान ऐन कानुनले निदृष्ट गरेको व्यवस्थाहरु समावेश गरिएको यस निर्देशन लागू भएपश्चात पूँजी बजार तथा बस्तु बजारको क्षेत्रम हुन सक्ने सम्पत्ति शुद्धिकरण तथा आतंकवादी क्रियाकलापमा वित्तीय लगानी सम्बन्धि जोखिम न्यूनिकरण गर्न महत्वपूर्ण भूमिका खेल्ने बोर्डको अपेक्षा छ । निर्देशनमा भएको व्यवस्था अनुसार एक दिनमा पटक पटक वा एकै पटकमा रू.१० लाख भन्दा बढीको शेयर कारोबार गरेको जानकारी इकाईमा दिनुपर्नेछ । ऐन नियमावली र निर्देशनको व्यवस्थाको कार्यान्वयन नगरेमा कारवाहिको पहिलो पटकमा लिखित रुपमा सचेत गराउने र दोस्रो पटक सबै व्यवसाय गर्न रोक लगाउने र तेस्रो पटकमा १० लाख देखि ५ करोड रुपैयाँसम्मको जरिवाना गराउने र सूचक संस्थाको दर्ता खारेजीसम्मका कारवाही हुने व्यवस्था छ । यो सँगै निर्देशनमा भएका अन्य व्यवस्थाहरुमा :-

•  सूचक संस्थाले आफ्नो व्यवसाय सञ्चालन गर्दा कानुनको पालना र उच्च नैतिक मापदण्डहरुको पालना गर्नुपर्ने ।
• सूचक संस्थाले सम्पत्ति शुद्धीकरण तथा आतङ्कवादी क्रियाकलाप सम्बन्धी प्रचलित कानुनको कार्यान्वयन र त्यस सम्बन्धी कसुरको अनुसन्धान तथा कानुन कार्यान्वयन गर्ने निकायलाई आवश्यक सहयोग गर्नुपर्ने ।
• सूचक संस्थाले आफ्नो ग्राहकको सहि रुपमा पहिचान तथा सोको सम्पूष्टि गर्नुपर्ने ।
•  सूचक संस्थाले उच्च पदस्थ व्यक्तिको विशेष पहिचान गर्दा थप उपायहरु समेत अवलम्बन गर्नुपर्ने ।
• सूचक संस्थाले वास्तविक धनीको पहिचान गर्दा वास्तविक धनी पहिचान गर्ने संयन्त्र बमोजिम व्यवस्था मिलाउनुपर्नेछ ।
•  वास्तविक धनीको सूची अभिलेख व्यवासायिक सम्बन्ध वा कारोबार समाप्त भएको मितिले पाँच वर्षसम्म राख्नुपर्नेछ ।
•  सूचक संस्थाले जोखमलाई उच्च मध्यक र न्युन वर्गमा वर्गीकरण गर्नुपर्ने ।
•  सूचक संस्थाले ग्राहकको सही रुपमा पहिचान तथा सोको सम्पुष्टि भरपर्दो स्रोतबाट प्राप्त कागजात, तथ्यांक वा जानकारीका आधारमा गर्नुपर्ने ।
•  ग्राहकको पहिचानका सम्बन्धमा पेश गरिएका विवरण तथा कागजातहरु रुजु गर्ने जिम्मेवारीसहित कुनै कर्मचारीलाई तोकी त्यस्ता विवरण तथा कागजातहरुको आधिकारिकता निजबाट रुजु गराई राख्नुपर्ने
•  ग्राहकको पहिचान तथा जाँच गर्दा जोखिममा आधारित भएर गर्नुपर्ने,
•  सूचक संस्थाले व्यवसायिक सम्बन्ध स्थापना गर्दा वा कारोबार गर्दा वास्तविक धनीको पहिचान तथा सम्पुष्टि गर्नका लागि आवश्यक मुनासिव उपायहरु अपनाउनुपर्ने
•  शंकास्पद कारोवार सम्बन्धी प्रतिवेदन वित्तीय जानकारी इकाईमा दिनुपर्ने,
•  सूचक संस्थाले ग्राहकसँग व्यवसायिक सम्बन्ध स्थापना गर्दा वा कारोबार गर्दा बृहत ग्राहक पहिचान सम्बन्धी उपयुक्त उपायहरु अपनाउनुपर्ने ।
• सूचक संस्थाले खास कारोबारको सम्बन्धमा विशेष ध्यान दिने प्रणालीको विकास गरी लागू गर्नु पर्नेछ ।

विस्तृतमा तल हेर्नुहोस् :

 

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस