आइएमई पे ‘सिसा पीसीआई डीएसएस’ प्रमाणीकरण

अभियान संवाददाता

काठमाडौं । आइएमई पेले हालै ‘सिसा पीसीआई डीएसएस’ प्रमाणीकरण प्राप्त गरेको छ । यो प्रमाणीकरणबाट आइएमई पे नेपालकै सबैभन्दा सुरक्षित तथा भरपर्दो विद्युतीय भुक्तानी माध्यम बन्न सफल भएको कम्पनीको दाबी छ ।

कम्पनीले केही समययता सिसा इन्फरमेसन सेक्युरिटीमार्फत पीसीआई डीएसएसको मापदण्ड पूरा गरी सो प्रमाणीकरण प्राप्त गरेको जानकारी दिएको छ । सो प्रमाणीकरण प्रत्येक वर्ष हुने अडिटपश्चात् नवीकरण गरिन्छ । यसै क्रममा यो वर्ष पनि आइएमई पेले सिसा पीसीआई डीएसएस प्रमाणको सम्पूर्ण मापदण्ड पुर्‍याएर नवीकरण गरेको हो ।

आइएमई पेले अन्तरराष्ट्रियस्तरको सुरक्षा प्रदान गर्दै ग्राहकवर्गको निजी तथा संवेदनशील जानकारीको गोपनीयता कायम गर्नुका साथै डेटा सुरक्षा उल्लंघन हुनबाट जोगाउने क्षमता भएकाले सो प्रमाणीकरण प्राप्त गरेको बताइएको छ । 
 

प्रतिक्रिया [0]