महालक्ष्मी बैंकको सहयोगमा बनाइएका ३२ ओटा शौचालय समुदायलाई हस्तान्तरण 

अभियान संवाददाता

चितवन । गैंडाकोट नगरपालिका वडा नं ३ स्थित भुजेल गाउँमा निर्माण भएको ३२ ओटा सार्वजनिक शौचालय समुदायलाई हस्तान्तरण गरिएको छ ।

महालक्ष्मी विकास बैंक, भरतपुर शाखाको आर्थिक सहयोग र रोटरी क्लब अफ गैंडाकोटले निर्माण गरेको शौचालय समुदायलाई हस्तान्तरण गरिएको हो । 

रोटरी क्लब अफ गैंडाकोटका अध्यक्ष यदुलाल घिमिरेको अध्यक्षतामा भएको शौचालय हस्तान्तरण कार्यक्रममा प्रमुख अतिथि आरआई डिष्ट्रिक ३२९२ का गभर्नर जितेन्द्रबहादुर राजभण्डारी रहेका थिए । कार्यक्रमका विशिष्ट अतिथि तथा बैंकका सञ्चालक समितिका सदस्य पाष्ट डिस्ट्रिक गभर्नर सञ्जय गिरीले रोटरी क्लब अफ गैंडाकोटलाई आर्थिक सहयोगको चेक हस्तान्तरण गरेका थिए ।

कार्यक्रममा बैंकका शाखो प्रबन्धक वीरेन्द्रकुमार चौधरी, रोटरी क्लब अफ गैंडाकोटका ‘पीपी’ करुण सागर सुवेदीलगायतले मन्तव्य दिएका थिए । 

बैंकका शाखा प्रबन्धक चौधरीले सामाजिक उत्तरदायित्व अन्तर्गत शौचालय निर्माणमा आर्थिक सहयोग गरेको बताए । 
बैंकले रक्तदान, सरसफाइ लगायतका विभिन्न कार्यक्रम गर्दै आएको छ ।

सोही कार्यक्रममा रोटरी क्लब अफ गैंडाकोटले विद्यार्थीलाई शैक्षिक सामग्रीसमेत वितरण गरेको थियो । 

प्रतिक्रिया [0]