सिटिजन्स बैंकको ‘बालिका शिक्षा तथा बाल विवाह न्यूनीकरण मुद्दती खाता योजना’

अभियान संवाददाता

काठमाडौं । ग्रामीण नेपालका बालिकालाई शिक्षामा प्रोत्साहन र बालविवाहलाई न्यूनीकरण गर्ने उद्देश्यले सिटिजन्स बैंक इन्टरनेसनलले नेपालगञ्जमा ‘बालिका शिक्षा तथा बालविवाह न्यूनीकरण मुद्दती खाता योजना’ ल्याएको छ । यसको कार्यान्वयनका लागि बैंकको नेपालगञ्ज शाखा र नेपालगञ्ज उपमहानगरपालिका बाँकेबीच सम्झौता भएको हो ।

सो योजनाको कार्यान्वयनका लागि नेपालगञ्ज उपमहानगरपालिकाको विविध कोषअन्तर्गत बालिकाको नाममा मुद्दती खाता खोली कार्यविधि बमोजिमको रकम खातामा जम्मा गरिने भएको हो । बालिकाको लागि बैंक खाता खोल्ने र उपलब्ध सबैभन्दा अनुकूल ब्याजदरमा रू. २५ हजारको मुद्दती निक्षेप राख्ने सम्झौतामा उल्लेख छ । यस कार्यक्रमले बालविवाह घटाउन र यस क्षेत्रका छात्रालाई उच्च  शिक्षा पूरा गर्न महत्वपूर्ण प्रभाव पार्ने अपेक्षा गरिएको छ । कोषको उचित सदुपयोग सुनिश्चित गर्न, खातावालाले नेपालगञ्ज उपमहानगरपालिकाको 

सिफारिशमा मात्र रकम झिक्न सक्ने बताइएको छ । आफ्नो शिक्षा सफलतापूर्वक पूरा गर्ने र २० वर्षको उमेर अघि विवाह नगर्ने बालिकालाई सिफारिश गरिने बताइएको छ ।
 

प्रतिक्रिया [0]