लगतार घट्दै सुनको भाउ, ३ दिनमा तोलामा १५ सय घट्यो

अभियान संवाददाता

काठमाडौं । नेपाली बजारमा सुनको भाउ बिहीवार (आज) फेरि घटेको छ । नेपाल सुनचाँदी व्यवसायी महासंघका अनुसार आज सुनको भाउ तोलामा ५ सय रुपैयाँ घटेर १ लाख १० हजार ५०० रुपैयाँ कायम भएको छ । बुधवार सुन तोलाको १ लाख ११ हजार रुपैयाँमा कारोबार भएको थियो । 

पछिल्लो तीन दिनयता सुनको भाउ तोलामा १५ सय रुपैयाँ घटिसकेको छ । गत सोमबार तोलाको १ लाख १२ हजार रुपैयाँ रहेको सुनको भाउ मंगलवार २०० रुपैयाँ घटेर १ लाख ११ हजार ८०० रुपैयाँ कायम भएको थियो । बुधवार भने सुन तोलामा ८०० रुपैयाँ घटेर १ लाख ११ हजार रुपैयाँमा कारोबार भएको थियो । 

सुनसँगै चाँदीको भाउ पनि घटेको छ । सुनचाँदी व्यवसायी महासंघका अनुसार चाँदी तोलामा २५ रुपैयाँ घटेर १ हजार ३६५ रुपैयाँ तोकिएको छ ।

प्रतिक्रिया [0]