सानिमा बैंकद्वारा बीमा दाबी रकम भुक्तानी

अभियान संवाददाता

काठमाडौं । सानिमा बैंकले घातक रोगको बीमा दाबी रकम भुक्तानी गरेको छ । बैंकले ‘सानिमा दीर्घायु बचत योजना’अन्तर्गत रू. ३ लाख रुपैयाँ बैंकका खातावाला राममाया अधिकारीलाई घातक रोग बीमा रकम भुक्तानी गरेको हो ।

बालाजु कार्यालयका प्रबन्धक रामहरि अधिकारीले बीमा प्रदायक कम्पनी मेटलाइफको संयोजनमा बीमा रकमको चेक हस्तान्तरण गरिएको बैंकले जानकारी दिएको छ ।

यस योजनाअन्तर्गत रू. १० लाखको दुर्घटना बीमा, रू. ३ लाखसम्मको १३ घातक रोगको उपचार बीमा, रू. १० हजारसम्मको ओपीडी भुक्तानी शुल्कसहितको रू. ५० हजारसम्मको औषधि उपचार बीमा, रू. ५० हजारको आवधिक जीवन बीमा र रू. ५ हजारको वार्षिक स्वास्थ्य परीक्षण सुविधा प्रदान गर्दै आइरहेको बैंकको भनाइ छ ।

प्रतिक्रिया [0]