सन्त भवन निर्माणमा एसबिआई बैंकको सहयोग

अभियान संवाददाता

काठमाडौं । नेपाल एसबिआई बैंक, दमौली शाखाले तनहुँको व्यास नगरपालिका–३ स्थित व्यास गुफा परिसरमा निर्माणाधीन सन्त भवन तथा अन्य निर्माण कार्यको लागि आर्थिक सहयोग गरेको छ ।

बैंकले उक्त सहयोग वेदानुयायी प्रतिष्ठान नेपाल, केन्द्रीय कार्यालय व्यास गुफामार्फत आइतवार उक्त सहयोग गरेको हो ।

बैंकका गण्डकी प्रदेश प्रमुख सुशीलचन्द्र महतले उक्त सहयोग रकम वेदानुयायी प्रतिष्ठान नेपालका मूल संरक्षक दामोदर बाबालाई हस्तान्तरण गरेको बैंकका शाखा प्रबन्धक दिवाकर भट्टले जानकारी दिए ।

सहयोगस्वरूप प्राप्त रकमलाई व्यास गुफामा निर्माणाधीन सन्त भवन तथा अन्य निर्माण कार्यमा प्रयोग गरिने प्रतिष्ठानका मूल संरक्षक बाबाले जानकारी दिए ।

प्रतिक्रिया [0]