आज फेरि घट्यो सुनको भाउ, तोलाको कतिमा हुँदैछ कारोबार ?

अभियान संवाददाता

काठमाडौं । नेपाली बजारमा सुनको भाउ आज फेरि घटेको छ । नेपाल सुनचाँदी व्यवसायी महासंघका अनुसार आज सुनको भाउ तोलामा २०० रुपैयाँ घटेर १ लाख १२ हजार २०० रुपैयाँ कायम भएको छ । हिजो (बुधवार) सुन  तोलामा ६०० रुपैयाँ घटेर १ लाख १२ हजार ४०० रुपैयाँमा कारोबार भएको थियो । 

सुनसँगै चाँदीको भाउ पनि घटेको छ । सुनचाँदी व्यवसायी महासंघका अनुसार आज चाँदी तोलामा ३५ रुपैयाँ घटेर १ हजार ४२५ रुपैयाँ कायम भएको छ । हिजो चाँदी तोलाको १ हजार ४६० रुपैयाँमा कारोबार भएको थियो । 

अन्तरराष्ट्रिय बजारमा सुनको भाउमा उतारचढाव देखिए पनि बढ्दो क्रममा छ । न्युयोर्क मर्कन्टाइल एक्सचेञ्जको कोमेक्स डिभिजनमा आज दिउँसो साढे १ बजे  सुनको भाउ प्रतिऔंस १९३७.१८ डलर पुगेको छ । हिजो बजार बन्द हुँदा सुनको भाउ प्रतिऔंस १९३६.३० डलर थियो । 

नेपाल राष्ट्र बैंकका अनुसार आज डलरको भाउ १३२.४४ रुपैयाँ छ । हिजो डलरको भाउ १३१.९२ रुपैयाँ तोकिएको थियो ।  

प्रतिक्रिया [0]