सुनचाँदीको मूल्य स्थिर हुँदा चाँदीको भने घट्यो 

अभियान संवाददाता

काठमाडौं । नेपाली बजारमा शुक्रवार सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार आज सुन प्रतितोला १ लाख ११ हजार १०० रुपैयाँमा कारोबार हुँदैछ । अघिल्लो दिन पनि सुन सोही मूल्यमा कारोबार भएको थियो ।

त्यसैगरी, आज चाँदीको मूल्य भने घटेको छ । आज चाँदी प्रतितोला १० रुपैयाँले घटेर १ हजार ४५० रुपैयाँमा कारोबार हुँदैछ। अघिल्लो दिन चाँदी प्रतितोला १ हजार ४६० रुपैयाँमा कारोबार भएको थियो । 

आज अन्तरराष्ट्रिय बजारमा आज सुन प्रतिऔंस १ हजार ९१४ डलरमा कारोबार हुँदैछ ।

प्रतिक्रिया [0]