टुरिजम रिसर्चको सम्मेलन सम्पन्न

अभियान संवाददाता

काठमाडौं। जिटिटिपी नेपाल तथा टुरिजम रिसर्च एन्ड ट्रेनिङ इन्स्टिच्युटको राष्ट्रिय सम्मेलन सम्पन्न भएको छ । इन्स्टिच्युटले नेपाल पर्यटन बोर्ड, युएनडीपी अन्तर्गतका परियोजनाको सहयोगमा देशभरमा हालसम्म १०० ओटा पर्यटन क्लबको गठन गरेको छ । गत वर्षसम्म यस्ता क्लबको संख्या १८ थियो ।

काठमाडौंमा सम्पन्न भएको सम्मेलनमा इन्स्टिच्युटले अन्तरराष्ट्रिय पर्यटन विज्ञमा लिजा चोग्याललाई विशेष सल्लाहकारमा चयन गरेको छ । पर्यटन अभियन्ता सचिन न्यौपाने र सिर्जना ओलीलाई ‘टुरिजम युथ एम्बासडर’ घोषणा गरिएको छ । कार्यक्रममा अर्पणा भण्डारी र रोसा फुयाललाई ‘टुरिजम स्टुडेन्ट एम्बासडर’ घोषणा गरिएको थियो । यस्तै कार्यक्रममा मधेश प्रदेशको कला, संस्कृति र पर्यावरणको क्षेत्रमा काम गरेका देवनारायण मण्डललाई सम्मान प्रदान गरिएको थियो । 

यस्तै, गैंडाकोटको विजय सामुदायिक शिक्षा सदनमा रहेको टुरिजम क्लबलाई ‘बेस्ट टुरिजम क्लब’ र गठ्ठाघरको ग्लोबल पाठशाला स्कुलको टुरिजम क्लबलाई ‘एक्टिभ टुरिजम क्लब’ अवार्डबाट सम्मान गरिएको छ । कार्यक्रममा जिटिटिपी ट्राभल फोटो कन्टेस्टका विजयी पोखरा बालोदय स्कुलकी मेनुका विके र काठमाडांै नेपाल एफिएफ स्कुलकी मोविज्ञा घलेलाई १००/१०० अमेरिकी डलर नगद पुरस्कार प्रदान गरिएको छ ।

प्रतिक्रिया [0]