स्ट्याण्डर्ड चार्टर्ड बैंक नेपाल–वैकल्पिक ऊर्जा प्रवर्द्धन केन्द्र सहकार्य

अभियान संवाददाता

काठमाडौं। स्ट्याण्डर्ड चार्टर्ड बैंक नेपाल लिमिटेड र वैकल्पिक ऊर्जा प्रवर्द्धन केन्द्र, केन्द्रीय नवीकरणीय ऊर्जा कोषबीच सहकार्य हुने भएको छ । ‘लोन लस ग्यारेन्टी’का लागि दिगो ऊर्जा चुनौती कोषअन्तर्गत नवीकरणीय क्षेत्रमा लगानी गर्न सम्झौता भएको बताइएको छ ।

सम्झौताले देशमा नवीकरणीय ऊर्जा वित्तपोषणलाई मापन गर्ने अपेक्षा गरिएको छ । दिगो पहलका लागि कर्जा प्राप्त गर्दा ‘लोन लस ग्यारेन्टी’ सुविधाले धितोको आवश्यकता कम गर्ने अपेक्षा गरिएको छ । यो नेपाल नवीकरणीय ऊर्जा कार्यक्रम अन्तर्गत पर्ने बताइएको छ । यसले कर्जाका लागि २० प्रतिशत ग्यारेन्टी जोखिम वहन गरिदिने सम्झौतामा उल्लेख छ ।

नेपाल नवीकरणीय ऊर्जा कार्यक्रम निजीक्षेत्रमार्फत नवीकरणीय ऊर्जा प्रवर्द्धनमा लगानी बढाउन र विश्वव्यापी ऊर्जा पहुँच विस्तारमा प्रतिबद्ध रहेको बताइएको छ । कार्यक्रमले सक्षम र दिगो नीति, योजना, कानून निर्माणमा सहजीकरण गर्ने बताइएको छ । सम्झौतामा हस्ताक्षर समारोहमा स्ट्याण्डर्ड चार्टर्ड बैंक नेपाल लिमिटेडका प्रमुख कार्यकारी अधिकृत अनिर्वाण घोष दास्तिदारले वैकल्पिक ऊर्जा प्रवर्द्धन केन्द्रसँग बैंकले गरेको सम्झौता साझेदारीको शुरुआत मात्र भएको बताए । 

स्ट्याण्डर्ड चार्टर्ड बैंकले यस वर्षको शुरूमा काठमाडौंमा ‘इन्टरनेशनल कन्फरेन्स अन फाइनान्सिङ फर नेपाल’ आयोजना गरेको थियो, जुन नेपालका लागि लगानीको अन्तर घटाउने वित्तीय औजारमा केन्द्रित रहेको बैंकले स्मरण गरेको छ । विश्वव्यापी रूपमा बैंकले यस दशकको अन्त्यसम्ममा ३०० बिलियन डलर ग्रीन/ट्रान्जिसन फाइनान्स परिचालनमा दिगो वित्तको दायरा र पहुँच विस्तारमा खर्चने योजनामा रहेको बताएको छ । बैंक दिगो आर्थिक वृद्धिलाई समर्थन, नवीकरणीय वित्तीय विस्तार र दिगो पूर्वाधारमा लगानी गर्न प्रयासरत रहेको बताइएको छ ।

प्रतिक्रिया [0]