लुम्बिनी विकास बैंकले खानेपानी संस्थालाई दियो कम्प्युटर सेट 

अभियान संवाददाता

रौतहट। लुम्बिनी विकास बैंक लिमिटेड चन्द्रनिगाहपुर शाखाले खानेपानी तथा सरसफाई उपभोक्ता समितिलाई एक थान कम्प्युटर उपलब्ध गराएको छ । चन्द्रनिगाहपुर खानेपानी कार्यालयमा एक कार्यक्रमका बीच कम्प्युटर सेट हस्तान्तरण गरिएको बैंकका शाखा प्रबन्धक सुबोध कोइरालाले जानकारी दिए । बैंकले आर्थिक कारोबार मात्र नभई सामाजिक उत्तरदायित्व अन्तर्गत विभिन्न किसिमका कार्यक्रम गर्दै आएको उनको भनाइ छ । खानेपानी तथा सरसफाइ कार्यालयलाई प्रविधिमैत्री बनाउने उद्देश्यले कम्प्युटर सेट उपलब्ध गराइएको उनले बताए । यसअघि बैंकले जनज्योति क्याम्पस चन्द्रनिगाहपुरका छात्राको स्वस्थ्यलाई ध्यानमा राखी सेनिटरी प्याड भेन्डिङ मेसिन तथा सेनिटरी प्याड डिस्पोज मेसिन सहयोग गरेको थियोे ।

प्रतिक्रिया [0]