लगातार घट्दै सुनको मूल्य, एक सातामा तोलामा ४ हजार २०० रुपैयाँले घट्यो

अभियान संवाददाता

काठमाडौं । नेपाली बजारमा सुनको मूल्य लगातार घटिरहेको छ । एक साताअघि प्रतितोला १ लाख १२ हजार २०० रुपैयाँमा कायम भएको सुनको मूल्य आइतवार (आज) १ लाख ८ हजार रुपैयाँमा कायम भएको छ । एक साताको अवधिमा सुनको मूल्य ४ हजार २०० रुपैयाँ घटेको छ । 

नेपाल सुनचाँदी व्यवसायी महासंघका अनुसार आज सुन प्रतितोला ८०० रुपैयाँले घटेर १ लाख ८ हजार रुपैयाँमा कारोबार हुँदैछ । अघिल्लो दिन तोलाको सुन १ लाख ८ हजार ८०० रुपैयाँमा कारोबार भएको थियो ।

त्यसैगरी, आज चाँदीको मूल्य पनि घटेको छ । आज चाँदी प्रतितोला ३५ रुपैयाँले घटेर १ हजार ३६० रुपैयाँमा कारोबार हुँदैछ। अघिल्लो दिन चाँदी १ हजार ३९५ रुपैयाँमा कारोबार भएको थियो । 
 

प्रतिक्रिया [0]