एकै दिन १३ सय रुपैयाँले घट्यो सुनको मूल्य 

अभियान संवाददाता

काठमाडौं । नेपाली बजारमा मंगलवार सुनको मूल्य प्रतितोला १३ सय रुपैयाँले घटेको छ । नेपाल सुनचाँदी व्यवसायी महासंघका अनुसार आज सुन प्रतितोला १ लाख ६ हजार ६०० रुपैयाँमा कारोबार हुँदैछ । अघिल्लो दिन सुन तोलाको १ लाख ७ हजार ९०० रुपैयाँमा कारोबार भएको थियो ।

त्यसैगरी, आज चाँदीको मूल्य पनि घटेको छ । आज चाँदी प्रतितोला ३० रुपैयाँले घटेर १ हजार ३१० रुपैयाँमा कारोबार हुँदैछ। अघिल्लो दिन चाँदी १ हजार ३४० रुपैयाँमा कारोबार भएको थियो । 

आज अन्तरराष्ट्रिय बजारमा सुन प्रतिऔंस १ हजार ८२१ डलरमा कारोबार हुँदैछ ।

प्रतिक्रिया [0]