विश्वकप हेर्न निशानको टिकट उपहार

अभियान संवाददाता

काठमाडौं। निशान गाडीको विक्रेता पायोनियर मोटो कर्पले अन्तरराष्ट्रिय क्रिकेट काउन्सिलसँगको साझेदारी आठौं वर्षमा पनि निरन्तरता दिने घोषणा गरेको छ । कम्पनीले आईसीसी पुरुष क्रिकेट विश्वकप २०२३ मा ग्राहकका लागि खुशी थप्न कम्पनीले चार जना विजेतालाई इंग्ल्याण्ड र पाकिस्तानबीचको खेलको टिकट उपहार दिने भएको छ ।

निसानको कुनै पनि मोडलको कार किन्ने ग्राहक उक्त लक्की ड्रमा सहभागी हुन योग्य हुने बताइएको छ । खेल ११ नोभेम्बर २०२३ मा कोलकाताको इडेन गार्डेन स्टेडियममा हुँदै छ । कम्पनीका प्रबन्ध निर्देशक सन्दिप कुमारका अनुसार रोमाञ्चक खेलकुदको उत्सव क्रिकेट विश्वकप र आईसीसी सँगको साझेदारीलाई निरन्तरता दिन र क्रिकेट फ्यान रहेका निसानका ग्राहकका लागि यो उपहार घोषणा गरिएको हो । 

प्रतिक्रिया [0]