अग्रवाललाई ‘महात्मा गान्धी राष्ट्रिय अभिमान पुरस्कार’

२०८० कात्तिक, १३

बजार

अभियान संवाददाता

काठमाडौं। शिवम् सिमेन्टका भाइस प्रेसिडेन्ट (सेल्स एण्ड मार्केटिङ) निखिल अग्रवाल ‘महात्मा गान्धी राष्ट्रिय अभिमान पुरस्कार २०२३’बाट सम्मानित भएका छन् । ब्राण्डम्यान इण्डिया पीआर एण्ड प्रमोशनद्वारा नयाँ दिल्लीमा आयोजित अवार्ड कार्यक्रममा अग्रवाललाई गत हप्ता सम्मान गरिएको हो । ब्राण्डम्यानले हरेक वर्ष अन्तरराष्ट्रिय स्तरमा अवार्ड कार्यक्रम गर्दै आएको छ । यस अवार्ड कार्यक्रममा विभिन्न राष्ट्रको व्यापारिक क्षेत्रमा महत्त्वपूर्ण भूमिका निर्वाह गर्ने कर्मचारी, व्यवस्थापक तथा उद्योगको छनोट गरी समग्र क्षेत्रको मूल्यांकन, व्यवस्थापन तथा राष्ट्रियस्तरमा पुर्‍याएको उत्कृष्ट योगदानको आधारमा सम्मानित गरिन्छ ।