दुई दिनमा एक हजारले घट्यो सुनको मूल्य 

अभियान संवाददाता

काठमाडौं । नेपाली बजारमा मंगलवार पनि सुनको मूल्य घटेको छ । अघिल्लो दिन तोलाको ५०० रुपैयाँले घटेको सुनको मूल्य आज पनि सोही दरमा घटेको हो ।

नेपाल सुनचाँदी व्यवसायी महासंघका अनुसार आज सुन प्रतितोला १ लाख १६ हजार रुपैयाँमा कारोबार हुँदैछ । अघिल्लो दिन सुन १ लाख १६ हजार ५०० रुपैयाँमा कारोबार भएको थियो ।

त्यसैगरी, आज चाँदीको मूल्य भने बढेको छ । आज चाँदी प्रतितोला १० रुपैयाँले बढेर १ हजार ४२० रुपैयाँमा कारोबार हुँदैछ । अघिल्लो दिन चाँदी प्रतितोला १ हजार ४१० रुपैयाँमा कारोबार भएको थियो । 

आज अन्तरराष्ट्रिय बजारमा सुन प्रतिऔंस १ हजार ९९४ डलरमा कारोबार हुँदैछ ।

प्रतिक्रिया [0]