‘सञ्चारमाध्यममा आएको कर्जा प्रवाहको समाचार भ्रामक’ 

अभियान संवाददाता

काठमाडौं। सानिमा बैंकले बैंकबाट प्रवाह भएको कर्जाका बारेमा भ्रामक, अनर्गल, गलत तथा तथ्यहीन समाचार प्रकाशित भएको बताएको छ । बैंकले मंगलवार विज्ञप्ति जारी गर्दै भनेको छ, ‘विगत केही समयदेखि केही सञ्चारमाध्यममा बैंकका अध्यक्षको फोटोसमेत राखी सर्वसाधारणमा भ्रम फैलाउने गरी भएको तथ्यहीन समाचार प्रकाशनमा बैंकको गम्भीर ध्यानाकर्षण भएको छ ।’

उक्त समाचारमा सत्य नभएको र बैंकले सदैव नियामक निकायबाट जारी निर्देशनको पालनाका साथै संस्थागत सुशासन कायम गरी पारदर्शिताका साथ बैंकिङ व्यवसाय गर्दै आएको विज्ञप्तिमा उल्लेख छ । ‘यस खालका तथ्यहीन एवं भ्रामक समाचार प्रचार प्रसार नगर्नु हुन सम्बद्ध पक्षलाई सूचित गर्दछौं । यस्ता भ्रामक गतिविधिका विरुद्ध कानूनी कारबाहीको प्रक्रिया अघि बढाउन बैंक बाध्य हुनेछ,’ विज्ञप्तिमा भनिएको छ ।

प्रतिक्रिया [0]