सुनको मूल्य बढ्यो, कतिमा हुँदैछ कारोबार ?

अभियान संवाददाता

काठमाडौं । नेपाली बजारमा बिहीवार (आज) सुनको मूल्य तोलाको ७०० रुपैयाँ बढेको छ । 

नेपाल सुनचाँदी व्यवसायी महासंघका अनुसार आज सुन प्रतितोला १ लाख १५ हजार ७०० रुपैयाँमा कारोबार हुँदैछ । गत आइतवार तोलाको १ लाख १७ हजारमा कारोवार भएको सुन २ दिनमा २ हजार रुपैयाँले  घट्दै बुधवार १ लाख १५ हजार रुपैयाँमा कारोबार भएको थियो ।

त्यसैगरी, आज चाँदीको मूल्य पनि बढेको छ । आज चाँदी प्रतितोला २० रुपैयाँले बढेर १ हजार ४०५ रुपैयाँमा कारोबार हुँदैछ । अघिल्लो दिन चाँदी प्रतितोला १ हजार ३८५ रुपैयाँमा कारोबार भएको थियो । अन्तरराष्ट्रिय बजारमा आज सुन प्रतिऔंस १ हजार ९८६ डलरमा कारोबार भइरहेको छ । 

प्रतिक्रिया [0]