टीभीएसको ‘महा एक्स्चेञ्ज महोत्सव’ शुरू 

अभियान संवाददाता

काठमाडौं। नेपालका लागि टीभीएसको आधिकारिक विक्रेता जगदम्बा मोटर्सले ‘महा एक्स्चेञ्ज महोत्सव, उमंगै उमंगको’ आज (मंगलवार)देखि शुरू गर्दै छ । शनिवारसम्म सञ्चालन हुने महोत्सव काठमाडौंको भृकुटी मण्डपमा गरिने कम्पनीले जानकारी दिएको छ । महोत्सवमा कम्पनीले अपाचे आरटीआर १६० फोरभी एफआई एसई सार्वजनिक गर्ने कम्पनीको तयारी छ । महोत्सवमा उपभोक्ताले कुनै पनि ब्राण्डको पुरानो बाइक वा स्कुटरको एक्स्चेञ्ज गर्दा विभिन्न सुविधा तथा अफर हात पार्न सकिने कम्पनीको भनाइ छ । साथै २५ प्रतिशतसम्मको न्यून डाउन पेमेन्ट, हेल्मेट, बाइक कभर र ब्याग लगायत फ्रि एसेसरिजको सुविधा पनि महोत्सवमा उपलब्ध हुने बताइएको छ । कम्पनीका अनुसार शून्य प्रतिशत ब्याजदरमा नयाँ बाइक खरीद गर्ने अफर पनि महोत्सवमा उपलब्ध हुनेछ ।

प्रतिक्रिया [0]