वाइफाइ नेपालको सेवा चितवनमा

अभियान संवाददाता

चितवन। इन्टरनेट सेवा प्रदायक कम्पनी वाइफाइ नेपालले चितवनमा सेवा दिन शुरू गरेको छ । कम्पनीले विशेषगरी घरायसी सेवाग्राहीलाई लक्षित गरी सेवा शुरू गरेको जानकारी दिएको छ । कम्पनी प्रमुख प्राविधिक अधिकृत सुजित पौडेलले यसअघि गरिएको सफल परीक्षणपश्चात् औपचारिक सेवा शुरू गरिएको बताए । ‘यो सेवा विशेषगरी घरायसी, विद्यार्थी र न्यून आय भएका वर्गका लागि लक्षित गरेका छौं,’ उनले भने । कम्पनीले हाल देशका ४२ जिल्लामा सेवा दिँदै आएको बताए । अहिले ५० एमबीपीएस क्षमताको वार्षिक ६ हजार २१५ रुपैयाँ र ८० एमबीपीएस क्षमताको ८ हजार ४७५ रुपैयाँ मूल्य कायम गरिएको कम्पनीको भनाइ छ ।

प्रतिक्रिया [0]