भाइटीकाको थिममा एनसेलको लघु चलचित्र प्रतियोगिता

अभियान संवाददाता

काठमाडौं। एनसेल आजियाटा लिमिटेडले चलचित्रमार्फत भाइटीकाको थिममा लघु चलचित्र प्रतियोगिताको आयोजना गरेको छ । प्रतियोगितामा आकर्षक कथा र प्रस्तुतिमार्फत दर्शकलाई प्रेरित गर्ने खालको चलचित्र बनाउन इच्छुक व्यक्ति वा समूहले भाग लिन सक्ने बताइएको छ । प्रतियोगितामा सहभागी हुन दिदीभाइको सम्बन्धबारे ३ देखि ५ मिनेटको भिडियो प्रस्तुत गर्नुपर्नेछ । भिडियोको कथामा एनसेलको सरप्राइज योजना, रिचार्ज, डेटा वा भ्वाइस प्याक प्रयोग सम्बन्धी विषयवस्तु पनि समेटिनुपर्ने बताइएको छ ।

प्रतियोगितामा प्रथम हुनेले १ लाख रुपैयाँ, दोस्रो हुनेले ७५ हजार रुपैयाँ र तेस्रो हुनेले ५० हजार रुपैयाँ प्राप्त गर्नेछन् । प्रतियोगिताका विजेताको घोषणा कात्तिक २९ गते भाइटीकाको दिन गरिनेछ । प्रतियोगिताको भिडियो बिहीवारसम्म बुझाउनुपर्ने बताइएको छ ।
 

प्रतिक्रिया [0]