कामना सेवाका रक्तदान सहित विभिन्न कार्यक्रम

अभियान संवाददाता

काठमाडौं। कामना सेवा विकास बैंकले स्थापनाको १७औं वर्ष प्रवेशको अवसरमा आफ्ना केन्द्रीय र क्षेत्रीय कार्यालयमा रक्तदान कार्यक्रम गरेको छ । बैंकको केन्द्रीय कार्यालय, ज्ञानेश्वरमा भएको रक्तदान कार्यक्रममा ५६ पिन्ट, कोशी प्रदेशको विराटचोक शाखामा ४० पिन्ट, मधेश प्रदेशको वीरगञ्ज शाखामा २३ पिन्ट, बर्दिबास शाखामा ३० पिन्ट, नारायणगढ क्षेत्रको खैरहरी पर्सा शाखामा भएको रक्तदान कार्यक्रममा ११० पिन्ट रगत संकलन भएको बताइएको छ ।

त्यस्तै पोखरा क्षेत्रको पस्र्याङ शाखामा भएको रक्तदानमा ४६ पिन्ट र पश्चिम क्षेत्रको नेपालगञ्ज शाखामा ३६ पिन्ट रगत संकलन भएको बैंकको भनाइ छ । सोही कार्यक्रम अन्तर्गत गत शनिवार बुटवल क्षेत्रको बुटवल शाखामा ७६ पिन्ट रगत संकलन भएको थियो । वार्षिकोत्सवका अवसरमा सुकुना बहुमुखी क्याम्पसमार्फत १० जना जेहेनदार विद्यार्थीलाई ५० हजार रुपैयाँ बराबरको छात्रवृत्ति समेत प्रदान गरिएको छ ।

प्रतिक्रिया [0]