‘आठौं रियल इस्टेट एक्स्पो २०२३’ डिसेम्बरमा गर्ने तयारी

अभियान संवाददाता

काठमाडौं। नेपाल जग्गा तथा आवास विकास संघ (एनडीएचडीए)ले रियल इस्टेट एक्स्पो आयोजना गर्ने भएको छ । एनडीएचडीएले ‘आठौं रियल इस्टेट एक्स्पो २०२३’ डिसेम्बर २८ देखि ३१ सम्म काठमाडौंको भृकुटीमण्डपमा हुने भएको हो । नेपाल जग्गा तथा आवास विकास महासंघको प्रवर्द्धन, ललितपुर जग्गा तथा आवास विकास संघ र भक्तपुर जग्गा तथा आवास विकास संघको सह आयोजना र सिन्थेसिस एण्ड इभेन्ट्स प्रालिको व्यवस्थापनमा एक्स्पो आयोजना हुन लागेको हो । एक्स्पो करीब एक लाखभन्दा बढी दर्शकले अवलोकन गर्ने आयोजकको अनुमान छ । एक्स्पो रियल इस्टेट क्षेत्रका विकासकर्ता र उपभोक्ताबीच भेटघाटको केन्द्रबिन्दु हुने बताइएको छ, जसमा विकासकर्ताले आफ्ना नयाँ उत्पादन उपभोक्तामाझ प्रदर्शन गर्नेछन् ।

प्रतिक्रिया [0]