भूकम्प प्रभावितलाई सूर्य नेपालको १ करोड ४० लाख सहयोग

अभियान संवाददाता

काठमाडौं। सूर्य नेपाल प्रालिले भूकम्पका कारण जाजरकोट, रुकुमपश्चिम लगायत जिल्लामा भएको क्षतिमा तत्काल उद्धार, राहत तथा पुन:स्थापनाका लागि १ करोड ४० लाख रुपैयाँ सहयोग गरेको छ । कम्पनीले संस्थागत सामाजिक उत्तरदायित्त्व अन्तर्गत उक्त सहयोग गरेको हो । प्रधानमन्त्री दैवी प्रकोप राहत कोषमा जम्मा हुने गरी उक्त रकम बराबरको चेक मंगलवार कम्पनीका प्रबन्ध निर्देशक रवि रायवरम्, भाइस प्रेसिडेन्ट रवि केसी, विकास भुत्रा, दिप्रा लाहिरी र वित्त प्रबन्धक प्रेम अर्यालको टोलीले प्रधानमन्त्री पुष्पकमल दाहाललाई हस्तान्तरण गरेको हो । कम्पनीले थप ३५ लाख रुपैयाँ बराबरको खाद्यान्न, तारपोलिन र ब्ल्याङ्केट जाजरकोट पठाइसकेको र ५ लाख रुपैयाँ बराबरको औषधि प्रभावित क्षेत्रतर्फ जाने वीर अस्पतालको टोलीलाई हस्तान्तरण गरिसकेको जानकारी दिएको छ । 

प्रतिक्रिया [0]