सुन चाँदीको मूल्य बढ्यो, कतिमा हुँदैछ करोबार ?

अभियान संवाददाता

काठमाडौं । नेपाली बजारमा शुक्रवार सुनको मूल्य प्रतितोला एक हजार रुपैयाँले बढेको छ । 

नेपाल सुन चाँदी व्यवसायी महासंघका अनुसार आज सुन प्रतितोला १ लाख १४ हजार ७०० रुपैयाँमा कारोबार हुँदैछ । अघिल्लो दिन सुनको मूल्य प्रतितोला १ लाख १३ हजार ७०० रुपैयाँमा कारोबार भएको थियो ।

त्यसैगरी, आज चाँदीको मूल्य पनि बढेको छ । आज चाँदी प्रतितोला २० रुपैयाँले बढेर १ हजार ४०० रुपैयाँमा कारोबार हुँदैछ । अघिल्लो दिन चाँदी प्रतितोला १ हजार ३८० रुपैयाँमा कारोबार भएको थियो । 

आज अन्तर्राष्ट्रिय बजारमा सुन प्रतिऔंस १ हजार ९५६ डलरमा कारोबार भइरहेको छ । 

प्रतिक्रिया [0]