भूकम्प प्रभावितलाई भारतको चौथो चरणको राहत सहयोग

अभियान संवाददाता

काठमाडौं। भारतको सहयोगमा जाजरकोट भूकम्पका प्रभावितको सहयोगका लागि अत्यावश्यक चिकित्सा सामग्री सहितको चौथो चरणको राहत सामग्री सोमवार नेपाल आइपुगेको छ । यी राहत सामग्री नेपाल सरकारलाई हस्तान्तरण गरिएको भारतीय राजदूतावासले जानकारी दिएको छ । नेपाल चिकित्सक संघको माग अनुसार भारतले यी राहत सामग्री उपलब्ध गराएको बताइएको छ । यी राहत सामग्रीमा अत्यावश्यक औषधि र उपकरण समावेश छन् । जाजरकोट भूकम्पका प्रभावितलाई हालसम्म भारतले ३४ टनभन्दा बढी आपत्कालीन राहत सामग्री उपलब्ध गराइसकेको बताइएको छ । छिमेकी पहिलो नीतिअन्तर्गत नेपाललाई सहयोग गर्ने भारतीय प्रतिबद्धतालाई जाजरकोट भूकम्पमा भारतले देखाएको मानवीय सहयोगले पुष्टि गरेको दूतावासको भनाइ छ ।

प्रतिक्रिया [0]