एनसेलको ‘लघु चलचित्र प्रतियोगिता २०२३’ का विजेतालाई सम्मान 

अभियान संवाददाता

काठमाडौं। एनसेल आजियाटा लिमिटेडले भाइटीकालाई लक्षित गरी आयोजना गरेको ‘एनसेल लघु चलचित्र प्रतियोगिता’का विजेतालाई सम्मान गरेको छ । भाइटीका थिममा आयोजित यस प्रतियोगिताका विजेतालाई मंगलवार पुरस्कार प्रदान गरिएको हो । प्रतियोगितामा सजिल बस्नेतको समूहले निर्माण गरेको लघु चलचित्र प्रथम बन्दै १ लाख रुपैयाँ पुरस्कार जितेको छ । त्यस्तै सन्तोष शाक्यको समूह फस्ट रनर अप र प्रयत्न थापाकोे समूह सेकेन्ड रनरअप बनेका छन् । उनीहरूले क्रमश: ७५ हजार र ५० हजार रुपैयाँ प्राप्त गरेको कम्पनीले जानकारी दिएको छ । प्रतियोगितामा मनोज भेले र अवेनिस थापालाई स्पेशल मेन्सन पुरस्कार प्रदान गरिएको थियो भने प्रकाश नगरीको समूहलाई शीर्ष ५ लघु चलचित्रमा पर्न सफल भएकोमा पुरस्कार प्रदान गरिएको थियो । एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले स्टोरी टेलिङ एउटा महत्त्वपूर्ण शीप भएको भन्दै यसले सामाजिक, वातावरणीय र सांस्कृतिक मुद्दालाई उजागर गर्दै मानिसको मन र विचार बदल्न सक्ने बताए ।

प्रतिक्रिया [0]