सुनको मूल्यले नयाँ रेकर्ड राख्ने क्रम जारी, तोलाको १ लाख २१ हजार ६०० पुग्यो

अभियान संवाददाता

काठमाडौं । सुनको मूल्यले सोमवार पनि नयाँ रेकर्ड राखेको छ । अघिल्लो दिन अर्थात आइतवार हाल सम्मकै उच्च मूल्य कायम गरेको सुन आज फेरी नयाँ रेकर्ड कायम गरेको छ । आज एकैदिन प्रतितोला ८०० रुपैयाँले बढेर  हालसम्मकै उच्च मूल्य कायम गरेको हो । 

नेपाल सुन चाँदी व्यवसायी महासंघका अनुसार आज सुन प्रतितोला १ लाख २१ हजार ६०० रुपैयाँमा कारोबार हुँदैछ । अघिल्लो दिन अर्थात आइतवार सुनको मूल्य प्रतितोला १ लाख २० हजार ८०० रुपैयाँमा कारोबार भएको थियो ।

त्यसैगरी, आज चाँदीको मूल्य भने स्थिर छ । आज चाँदी प्रतितोला १ हजार ५४५ रुपैयाँमा कारोबार हुँदैछ । अघिल्लो दिन पनि चाँदी प्रतितोला १ हजार ५४५ रुपैयाँमा कारोबार भएको थियो । 
आज अन्तर्राष्ट्रिय बजारमा आज सुन प्रतिऔंस २ हजार ८६ डलरमा कारोबार हुँदैछ । 

प्रतिक्रिया [0]