गौर आँखा अस्पताललाई लुम्बिनी विकास बैंकको सहयोग

अभियान संवाददाता

रौतहट। लुम्बिनी विकास बैंक लिमिटेड गौर शाखाले गौर आँखा अस्पताललाई संस्थागत सामाजिक उत्तरदायित्वअन्तर्गत विभिन्न सामग्री सहयोग गरेको छ । सहयोग सामग्री बैंकका शाखा प्रबन्धक सुबोध कोइरालाले सोमवार एक कार्यक्रमका बीच अस्पतालका प्रमुख व्यवस्थापक नागेश्वर चौधरीलाई हस्तान्तरण गरेका हुन् । अस्पतालमा उपचारका लागि आउने बिरामीलाई बस्न सहज होस् भन्ने उद्देश्यले स्टिल बेन्च सहयोग गरेको बैंकले जानकारी दिएको छ । यसअघि बैंकको चन्द्रपुर शाखाले चन्द्रपुर खानेपानी कार्यालयलाई कम्प्युटर सेट र जनज्योति बहुमुखी क्याम्पसमा सेनिटरी प्याड भेन्डिङ मेसिन तथा सेनिटरी प्याड डिस्पोजल मेसिन सहयोग गरेको बताइएको छ ।
 

प्रतिक्रिया [0]