गरिमा क्यापिटललाई म्युचुअल फण्ड व्यवस्थापनको अनुमति

अभियान संवाददाता

काठमाडौं। गरिमा क्यापिटल लिमिटेडले नेपाल धितोपत्र बोर्डबाट सामूहिक लगानी कोषको योजना व्यवस्थापक र डिपोजिटरीको रूपमा काम गर्ने अनुमति पाएको छ । कम्पनीले हाल लगानी व्यवस्थापन सेवा तथा निक्षेप सदस्य (डिम्याट तथा मेरो शेयर खातासम्बन्धी) सेवा प्रवाह गर्दै आएको बताइएको छ । निकट भविष्यमै कोष सुपरीवेक्षक र कोष प्रवद्र्धकको प्रचलित कानून बमोजिम आवश्यक स्वीकृति लिई गरिमा म्युचुअल फण्डअन्तर्गत विभिन्न बन्दमुखी तथा खुलामुखी योजना सञ्चालन गर्दै जाने बताइएको छ । गरिमा क्यापिटल गरिमा विकास बैंक लिमिटडको सहायक कम्पनी हो । कम्पनीका सम्पूर्ण सेवा ग्राहक समक्ष पुर्‍याउन बैंकका सबै शाखामार्फत सहजीकरण हुँदै आएको बताइएको छ ।

प्रतिक्रिया [0]