नेपाल फर्मा एण्ड हेल्थ अन्तरराष्ट्रिय प्रदर्शनी पुस ५ देखि

अभियान संवाददाता

काठमाडौं । यही पुस ५ देखि ७ गतेसम्म काठमाडौंको भृकुटीमण्डप प्रदर्शनी स्थलमा ‘नेपाल फर्मा एण्ड हेल्थ’ नामक औषधोपचार, स्वास्थोपचार तथा फार्मेसीसँग सम्बन्धित प्रदर्शनी हुँदैछ । 

मिडिया स्पेस सोलुसन्सका साथै एक्जिबिसन एन्ड ट्रेड सर्भिसेस इन्डिया प्रालि तथा फ्युचरेक्स ट्रेड फेयर्स एन्ड इभेन्ट्स् प्रालिको संयोजकत्वमा प्रदर्शनी आयोजना हुन लागेको हो । उक्त प्रदर्शनीमा स्वदेशी तथा विदेशी गरी १०० भन्दा बढी कम्पनीहरूको स्टल रहने बताइएको छ ।

आयोजकका अनुसार प्रदर्शनीमा तीन विशेषताहरू छन्– प्रदर्शनी, सम्मेलन र साझेदारी । यी तीन विशेषताहरूलाई एउटै ठाउँमा ल्याई नेपालका विभिन्न फर्मा र हेल्थकेयर उद्योगलाई जोड्न, सम्बन्ध निर्माण गर्न र व्यापार अवसरहरू बढाउनका लागि यो प्रदर्शनीले विशेष भूमिका निर्वाह गर्ने बताइएको छ । 

प्रतिक्रिया [0]