ग्लोबल आइएमई बैंकको ‘विशेष घर कर्जा’

अभियान संवाददाता

काठमाडौं। ग्लोबल आइएमई बैंक लिमिटेडले एकल अंकमा आधारित न्यूनतम ब्याजदरमा १२ करोड रुपैयाँसम्म कर्जा सीमा भएको ‘विशेष घर कर्जा’ योजना सार्वजनिक गरेको छ । बैंकले सस्तो तथा सरल किस्ताबन्दीमा घर निर्माण तथा खरीदलाई लक्षित गरी विशेष योजना सार्वजनिक गरेको बताइएको छ । साथै, उक्त विशेष घर कर्जा योजनाअन्तर्गत अन्य बैंक वित्तीय संस्थाबाट कर्जा उपभोग गरिरहेका ग्राहकले सहज रूपमा कर्जा सार्न सक्ने बैंकको भनाइ छ ।

यस योजनाअन्तर्गत सेवाग्राहीले ५ वर्षसम्मको अवधिका लागि ९ दशमलव ९९ देखि १० दशमलव ९९ प्रतिशत, ५ देखि १० वर्षसम्मको लागि १० दशमलव ९९ देखि ११ दशमलव ४९ प्रतिशत र १० वर्षभन्दा बढीको अवधिका लागि ११ दशमलव ४९ देखि ११ दशमलव ९९ प्रतिशत निश्चित तथा स्थिर ब्याजदरमा कर्जा लिन पाउनेछन् । बैंकले कर्जा प्रवाह गर्ने उद्देश्यमा निहित रही आवश्यक कागजात पेश गरेको ३ कार्य दिनभित्र विनाझन्झट कर्जा प्रवाह गर्ने बताइएको छ । 

प्रतिक्रिया [0]