चितवन चेम्बर अफ कमर्सको अध्यक्षमा भट्टराई

अभियान संवाददाता

चितवन। चितवन चेम्बर अफ कमर्सको अध्यक्षमा गोपाल भट्टराई सर्वसम्मत चयन भएका छन् । बुधवार भरतपुरमा सम्पन्न चेम्बरको दोस्रो अधिवेशनबाट भट्टराईको नेतृत्वमा २१ सदस्यीय कार्यसमिति चयन गरिएको हो ।

अध्यक्ष दीर्घमान श्रेष्ठको अध्यक्षतामा सम्पन्न अधिवेशनले उपाध्यक्षमा रुबेन रामुदामु र सोमप्रसाद काप्री, महासचिवमा महेश तिवारी, सचिवमा अर्जुन अधिकारी, कोषाध्यक्षमा अनुषा पाठक र सहकोषाध्यक्षमा प्रकाश श्रेष्ठलाई चयन गरेको छ । यस्तै सदस्यमा गगन लामा, शुकरानी लामा, शोभा गौतम, नविन रिजाल, बलराम भण्डारी, दिपेश श्रेष्ठ, निलेनमान शाक्य, रामप्रसाद सुवेदी, प्रमिल न्यौपाने, विशाल भट्टाराई, अच्युत थपलिया, शोभाखर अधिकारी र पुरुषोत्तम कँडेल रहेका छन् ।

अधिवेशनबाट संस्थाको प्रगति प्रतिवेदन, भावी कार्ययोजना र आर्थिक प्रतिवेदन अनुमोदन गरिएको छ । नवनिर्वाचित अध्यक्ष भट्टराईले समस्या समाधान तथा गुनासो सम्बोधनका लागि सम्बन्धित निकायसँग समन्वय गर्ने प्रतिबद्धता व्यक्त गरे । वैदेशिक रोजगारीका लागि विदेश पलायन हुने युवालाई नेपालमै उद्यम तथा रोजगारीको वातावरण बनाउन विभिन्न कार्यक्रम सञ्चालन गरिने समेत उनले बताए । 

प्रतिक्रिया [0]