नबिलको ‘इन्स्ट्यान्ट गोल्ड लोन’ एक घण्टाभित्रै ऋण

अभियान संवाददाता

काठमाडौं। नबिल बैंक लिमिटेडले तुरुन्तै सुन धितो राखेर ऋण लिन सक्ने नयाँ ‘इन्स्ट्यान्ट गोल्ड लोन’ योजना बजारमा ल्याएकोे छ । आफूलाई आवश्यक पर्दा विना कुनै झन्झट सुन धितो राखेर एक घन्टाभित्र पाउने गरीे यो ऋण योजना ल्याएको बैंकले जानकारी दिएको छ । यो ऋण योजनाअन्तर्गत १२ दशमलव ३० प्रतिशत ब्याजमा १० लाख रुपैयाँसम्मको ऋण दिइने बैंकको भनाइ छ ।

त्यस्तै सुनको लागि नि:शुल्क बीमाको व्यवस्था पनि गरिएको छ । बैंकले तत्कालको लागि नेपालभर ८ ओटा शाखाबाट यो सेवा दिने बताइएको छ, जुन सुविधा उपत्यकाभित्रका कुमारीपाटी, कालीमाटी र सूर्यविनायक शाखाबाट लिन सकिनेछ । त्यस्तै उपत्यका बाहिरका ग्राहकका लागि धरान–महेन्द्रपथ, बुटवल–चौराहा, नेपालगन्ज (भानुभक्त चोक), फिदिम र चिप्लेढुंगाबाट सुन कर्जा उपलब्ध गराउने बैंकले जानकारी दिएको छ ।

प्रतिक्रिया [0]