‘सूर्य नेपाल एनपीजीए म्याच प्ले’ शुरू

अभियान संवाददाता

काठमाडौं। सूर्य नेपाल गल्फ टुर २०२३–२४ अन्तर्गत सिजनको दोस्रो प्रतियोगिता ‘सूर्य नेपाल एनपीजीए म्याच प्ले’को पहिलो दिन डिफेन्डिङ च्याम्पियन दिनेश प्रजापति क्वार्टरफाइनलमा प्रवेश गरेका छन् । उनीसँगै पहिलो वरीयताका भुवन नगरकोटी, चौथो वरीयताका जयराम श्रेष्ठ, पाँचौं वरीयताका सञ्जय लामा, छैटौं वरीयताका रवि खड्का, सातौं वरीयताका रामे मगर, नवौं वरीयताका भुवनकुमार रोक्का र १५औं वरीयताका प्रदीपकुमार लामा पहिलो चरणको खेल जित्दै अन्तिम आठमा स्थान बनाउन सफल भएका छन् । कुल २ लाख ५० हजार नगद पुरस्कार राशीको प्रतियोगितामा बुधवार पहिलो चरणमा पराजित भएका आठ खेलाडीले जनही ६/६ हजार रुपैयाँ प्राप्त गर्नेछन् । क्वार्टरफाइनलमा पराजित हुने चार खेलाडीले समान ११ हजार रुपैयाँ प्राप्त गर्नेछन् । विजेताले ६० हजार रुपैयाँ प्राप्त गर्दा दोस्रो हुने खेलाडीले ४२ हजार, तेस्रो र चौथो हुने खेलाडीले क्रमश: ३२ हजार र २४ हजार रुपैयाँ प्राप्त गर्नेछन् । क्वार्टरफाइनल र सेमिफाइनलका खेल आज (बिहीवार) हुनेछ ।
 

प्रतिक्रिया [0]