कफीको सुगन्ध जीम्याटमा राम्रो गर्न सहयोगी

आर्थिक अभियान

कफीको सुगन्ध मात्रैले पनि ग्र्याजुएट म्यानेजमेण्ट एप्टिच्युड (जीम्याट)को विश्लेषण पक्षमा राम्रो प्रदर्शन गर्न सहयोग गर्ने एक अध्ययनले दाबी गरेको छ । जीम्याट अधिकांश बिजनेश स्कूलका लागि चाहिने कम्प्युटरमा आधारित परीक्षा हो । अमेरिकास्थित स्टिभन्स इन्ष्टिच्युट अफ टेक्नोलोजीका प्राध्यापक एड्रियाना म्याजारोभको नेतृत्वमा भएको अध्ययनले यस्तो देखाएको हो । कफीको सुगन्धले एनालिटिकल टास्कमा सहयोग गर्ने मात्र नभई यी टास्कमाझ विद्यार्थीले राम्रो प्रदर्शन गर्छन् भन्ने अनुमानलाई पनि बढाइदिने कुरामाथि अध्ययनले प्रकाश पारेको छ । कफीको सुगन्धमा पनि कफी पिएको जस्तै प्रभाव पार्न सक्ने क्षमता रहने अनुसन्धानमा संलग्नहरूको भनाइ छ । यो अध्ययन प्रतिवेदन इन्भाइरोनमेण्टल साइकोलोजी नामक जर्नलको पछिल्लो संस्करणमा छापिएको हो । अनुसन्धानकर्ताहरूले जीम्याटको अल्जेब्रासम्बन्धी दशओटा प्रश्न समावेश गरिएको परीक्षाको आयोजना गरेका थिए । कम्प्युटर ल्याबमा गरिएको सो अध्ययनमा अण्डरग्र्याजुएट बिजेनेशका सय जना विद्यार्थी सहभागी थिए र उनीहरूलाई दुई समूहमा बाँडिएको थियो । एक समूहलाई एउटा कोठामा कफीको सुगन्ध सँुघ्न लगाइयो र अर्को समूहलाई छुट्टै कोठामा राखियो । कोठामा बसेर कफीको सुगन्ध लिने विद्यार्थीले परीक्षामा राम्रो गरेको र तुलनात्मक रूपमा उच्च अङ्क प्राप्त गरेको पाइयो । त्यस्तै, अनुसन्धानकर्ताको समूहले अर्को प्रकारको सर्वेक्षणको आयोजना ग¥यो । यसमा २ सय जनाभन्दा बढी सहभागीलाई विभिन्न प्रकारका सुगन्धबारे उनीहरूको विचार कस्तो छ र यसले उनीहरूको कार्यमा कस्तो प्रकारको प्रभाव पा¥यो भनेर सोधियो । सहभागीहरूले आफूले कफीको सुगन्ध लिँदा बढी सजग र ऊर्जावान् भएको अनुभव हुने बताए । यस्तो अनुभूति कुनै फूलको सुगन्धको उपस्थितिमा नहुने उनीहरूको अभिव्यक्ति थियो । कफीको सुगन्धको उपस्थितिले उनीहरूको मानसिक कार्यमा हुने प्रदर्शन बढाउन सहयोग पुगेको अध्ययनले देखाएको छ । यस अनुसन्धानमा थप अध्ययनको आवश्यकता छ । तैपनि, यदि यस्तो हो भने आफ्ना कर्मचारीले प्रभावकारी ढङ्गले काम गरून् भन्ने चाहना भएका कम्पनी, रोजगारदाता, निर्माण व्यवसायीलगायतले यसको प्रयोग गरेर हेर्न सक्छन् । रासस/पीटीआई

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस