तीजको खर्च घटाएर पूँजीबजारमा लगानीको विकल्प

लक्ष्मी शर्मा

काठमाडौं । तीज मनाउने प्रचलन अलि भड्किलो र खर्चिलोे बन्दै गएको टिप्पणी समान्य भइसकेको छ । विगतमा तीजको दरखाने भन्ने दिन एउटा मात्रै हुन्थ्यो । चाडपर्वको पात्रोमा अभैm पनि एउटै दिन (यस वर्ष भदौ २६ गते दरखाने दिन) उल्लेख छ । दरखाने दिनको भोलिपल्ट तीजको व्रत बस्ने दिन हो । तर, अचेल तीज आउनुभन्दा १ महीना अगाडिबाट तीजको दरखाने प्रचलन बढ्दो छ । यस्तो दरको भोज विभिन्न आफन्तले छुट्टाछुट्टै गर्छन् । अहिले महिलाहरू दिनहँुजसो कहिले कुन आफन्तकोमा त कहिले कुन आफन्तकोमा भेट भइरहन्छन् र दर खाइरहन्छन् । त्यसमाथि विभिन्न सङ्घसंस्था (एनजीओ, सहकारी) आदिले पनि अलग्गै दरका कार्यक्रम गर्छन् । यस्ता कार्यक्रममा धैरै खाना खेर फालिन्छ । यस्तो कार्यक्रममा सहभागी हुने महिलाबीच नयाँनयाँ फेशनका महँगा पहिरन र गहना लगाउने प्रतिस्पर्धाजस्तै हुन्छ । यी सब कारणले अचेलको तीज महँगो र अपव्ययको चाड बनेको छ । यस्तो प्रचलनलाई कम गर्न महिला आफैले मात्र सक्छन् । एक जमाना थियो, महिलाहरू निकै परनिर्भर हुन्थे आफ्नो पति, बुबा वा दाजुले कमाउँथे । उनीहरूले आफ्नो कमाइबाट रमाइलो गर्ने स्वतन्त्रता महिलाको चाडको अवसरमा १ दिनमात्रै दिन्थे । अहिले त्यस्तो छैन । अहिले कतिपय नारीहरू आत्मनिर्भर भइसकेका छन् । परनिर्भरताको अवस्था निकै घटेको छ । पुरुषहरूको दृष्टिकोण पनि धेरै फेरिसकेको छ । कतिपय नारीहरू पनि पति, बाबु वा दाजुसँग अधिकारपूर्वक माग गरी आप्mना धेरै चाहना पूरा गर्न सक्ने भएका छन् । महिलाहरूले तीजका अवसरमा अनावश्यक गर्ने खर्च कुनै उत्पादनशील क्षेत्रमा लगानी गरेर भविष्यमा त्यसबाट राम्रो प्रतिफल पाउनेतर्पm सोच्नुपर्ने बेला भइसकेको छ । १ महीना अगाडिदेखि तीजको नाममा खर्च हुने समय र पैसा अन्य क्षेत्रमा लगानी गरेमा महिला स्वतन्त्रता झन् बलियो हुनेछ । अहिलेको अवस्था हेर्ने हो भने छोटो समयमा धेरै आम्दानी गर्ने क्षेत्र भनेको शेयरबजारमा लगानी नै हो ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस