चारदिन बढेको बजारमा अन्तिम दिन २.३७ अंकको करेक्सन, ४१ करोडको शेयर कारोबार

साउन २, काठमाडौं (अस) । साताको अन्तिम दिन बजार केहि करेक्सन भएको छ । कारोबार भएको अन्तिम आधा घण्टापछि बजार करेक्सन भएको हो । १ हजार २७५ दशमलव ७१ विन्दुबाट शुरु भएको परिसूचक बढेर दोस्रो घण्टामा १ हजार २८३ दशमलव ५९ विन्दुसम्म पुगेको थियो । सो विन्दुमा पुगेपछि ओरालो लागेको बजार अन्त्यमा २ दशमलव ३७ अंक घटेर १ हजार २७२ दशमलव ४९ विन्दुमा बन्द भएको छ ।

असार २९ गतेदेखि शुरु भएको यो सातामा बजार चार दिन बढेको छ । असार मसान्त सकिन लागेदेखि बढेको बजार बिहीवार करेक्सन भएको हो । चार दिन बजार बढ्दा परिसूचक २६ दशमलव ३४ अंकले बढेको छ । १ हजार २४८ दशमलव ५३ विन्दुबाट शुरु भएको बजार बिहीवार १ हजार २७२ विन्दुमा पुगेको छ । बैंक तथा वित्तीय संस्थाहरुको चौथो विवरण सार्वजानिक हुने भएकाले पनि साउन महीना बजार बढ्ने गरेको छ । यस त्रैमासमा सार्वजनिक भएको विवरणले कम्पनीले कति लाभांश दिन सक्ला भन्ने आकलन गर्न सकिने भएकाले साउन महीना बजारका लागि हरीयो महीना भनेर पनि चिनिने गरेको छ ।

बिहीवारको कारोबार बिहीवार रू. ४१ करोड १३ लाख रकम बराबरको शेयर कारोबार भएको छ । यस दिनका कारोबार रकम अघिल्लो दिनको तुलनामा रू. १ करोड ५३ लाख मात्र कमी आएको हो । बुधवार रू. ४२ करोड ६७ लाख बराबरको शेयर कारोबार भएको थियो । सेन्सेटिभ इन्डेक्स शून्य दशमलव २७ अंक घटेर २७३ दशमलव ८४ विन्दुमा बन्द भएको छ । कारोबार भएका १५८ कम्पनीमा ६४ कम्पनीको शेयर मूल्य बढेको छ भने ६७ कम्पनीको घटेको छ । साथै, २७ कम्पनीको शेयर मूल्य स्थिर रहेको छ । छिमेक लघुवित्त विकासको संस्थापकतर्फ शेयर सर्वाधिक कारोबार भएको छ । कम्पनीको रू. ५ करोड १७ लाख बराबरको शेयर कारोबार भएको छ । कम्पनीको शेयर मूल्य प्रतिकित्ता रू. ४९० पुगेको छ ।

नेपाल हाइड्रो डेभलपरको मूल्य ९.२४ प्रतिशत बढ्यो बिहीवार नेपाल हाइड्रो डेभलपर लिमिटेडको शेयर मूल्य सर्वाधिक ९ दशमलव २४ प्रतिशत बढ्न पुगेको छ । कम्पनीको शेयर मूल्य प्रतिकित्ता रू. ११ ले बढेर रू. १३० पुगेको छ । दोस्रोमा महुली सामुदायिक लघुवित्तको ४ दशमलव ९४ प्रतिशत बढेर प्रतिकित्ता रू. ९९९ पुगेको छ । मेरो माइक्रोफाइनान्स वित्तीय संस्थाको शेयर मूल्य ६ दशमलव ८१ प्रतिशत घटेर प्रतिकित्ता मूल्य रू. ५२० पुगेको छ । ११ समूहको परिसूचक

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस