अख्तियारका तत्कालीन सचिव भगवती काफ्लेले आठ वर्ष अगाडि गरेका सबै निर्णय खारेज

विकास भट्टराई

मङ्सिर ५, काठमाडौं । सर्वोच्च अदालत अन्तर्गतको संवैधानिक इजलासले अख्तियार दुरुपयोग अनुसन्धान आयोगका पदाधिकारीहरुले आफूले प्रयोग गर्ने अधिकार आयोगका सचिवलाई प्रत्यायोजन गर्न नसक्ने ठहर गरेको छ । झण्डै आठ वर्ष अघि अख्तियारका तत्कालीन पदाधिकारीहरुले आफूसँग भएका अधिकार तत्कालीन सचिव भगवती काफ्लेलाई प्रत्यायोजन गरी अवकाश लिएका थिए । तत्कालीन सचिव काफ्लेले अख्तियारका पदाधिकारीहरुको अधिकार प्राप्त गरेपछि विभिन्न निकायहरुलाई निर्देशन दिने तथा कतिपयलाई भ्रष्टाचारमा मुद्दासमेत दायर गरेका थिए । अख्तियारका पदाधिकारीहरुले आफूलाई दिइएको अधिकार प्रत्यायोजन गर्न नसक्ने उल्लेख गर्दै सर्वोच्च अदालतमा रिट निवेदन दायर गरिएको थियो । प्रधानन्यायाधीश ओमप्रकाश मिश्र तथा न्यायाधीशहरु दीपकराज जोशी, चोलेन्द्रशमशेर जवरा, दीपककुमार कार्की र केदारप्रसाद चालिसेसम्मिलित संवैधानिक इजलासले अख्तियारका आयुक्तहरुले गर्ने कार्य सचिवले गर्न नसक्ने ठहर गरेपछि तत्कालीन सचिव काफ्लेले गरेका सम्पूर्ण कार्यहरु अव बदर भएका छन् ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस