विजय दमासे
[caption id="attachment_327205" align="alignright" width="150"] अरुण नेपाल, उद्योगमन्त्री, प्रदेश–३[/caption]
काठमाडौं । प्रदेश–३ सरकारले आफ्नो प्रदेशलाई ‘उद्योग हब’का रूपमा स्थापित गर्न दीर्घकालीन रणनीति तयार पारेको छ । प्रदेशको उद्योग, वन, पर्यटन तथा वातावरण मन्त्रालयका अनुसार त्यसका लागि विस्तृत अध्ययन गरी रणनीति तयार पारिएको हो । प्रदेश–३ का उद्योगमन्त्री अरुण नेपालले अभियानसँगको कुराकानीमा भने, ‘योजनाविद्, अर्थविद् लगायत संलग्न समिति तयार गरी तत्कालीन र दीर्घकालीन योजना तयार पारेका छौं, जसलाई कार्यान्वयनमा लगिँदै छ ।’
हाल रहेका उद्योगहरूलाई व्यवस्थित गर्दै प्रवद्र्धन गर्ने तत्कालीन योजनामा उल्लेख छ । दीर्घकालीन योजनामा नयाँ उद्योग विस्तारका लागि स्वदेशी/विदेशी लगानीकर्तालाई आकर्षित गर्ने, नयाँ औद्योगिक क्षेत्र निर्माण लगायत समेटिएका छन् । लगानीमैत्री कानून निर्माणाधीन रहेको मन्त्री नेपालले जानकारी दिए । ‘पहिलो चरणमा सिन्धुली, नुवाकोट, काभ्रे र धादिङमा नयाँ औद्योगिक क्षेत्र निर्माण गरिँदै छ,’ उनले भने, ‘राजधानीमा भएका उद्योगलाई उपत्यका बाहिर सार्ने योजना पनि छ ।’
उनका अनुसार औद्योगिक क्षेत्र निर्माण र ‘जोन’ घोषणालाई प्राथमिकता दिइएको छ । त्यस्ता जोन र औद्योगिक क्षेत्रमा रहने उद्योगलाई विशेष सुविधा दिने योजना रहेको उनले बताए ।
प्रदेश–३ सरकारले भौतिक पूर्वाधार, कृषि, सेवा, उद्योग, पर्यटनलाई प्रदेशको समृद्धिका आधारका रूपमा तय गरेको छ । लगानी सम्मेलनका लागि समृद्धिका आधारलाई प्राथमिकतामा राखेर योजनाहरू तयार गरिएको मन्त्री नेपालले जानकारी दिए । लगानीकर्तालाई आकर्षित गर्न प्रदेश सरकारले चालू आर्थिक वर्ष (आव) २०७५/७६ लाई ‘उद्योग वर्ष’ घोषणा गरेको छ । त्यसमार्पmत अन्य प्रदेशमा भन्दा धेरै लगानी भित्रिने मन्त्री नेपालको दाबी छ ।
‘उद्योग वर्ष घोषणा गर्दैमा सबैथोक हुन्छ भन्ने छैन तर लगानीकर्तालाई उत्साह प्रदान गर्न यसले सहयोग पुर्याउने विश्वास छ,’ उनले भने । उद्योगमा लगानी भिœयाउन प्रदेश सरकारले जमीन उपलब्ध गराउने उनले बताए । पूर्वाधार विकास, विद्युत्, खानेपानी र सुरक्षाको प्रत्याभूति गर्न सोही अनुसारका कानून निर्माण भइरहेको उनले बताए ।
उद्योगहरूलाई श्रमिकमैत्री र हडतालरहित बनाउन प्रदेश सरकारले कडा कानून ल्याउन लागेको उनको भनाइ छ । प्रदेशमा उत्पादित विद्युत् खपतका लागि १० वर्षभित्रमा मुख्य शहरहरूमा विद्युतीय सवारी साधन सञ्चालन गर्ने योजना प्रदेश सरकारले तय गरेको छ । प्रदेशमै विद्युतीय सवारीसाधनको कारखाना खोल्नेबारे अध्ययन भइरहेको उनको दाबी छ ।
विजय दमासे
अरुण नेपाल,
पेट्रोल–डिजेलको मूल्य घट्यो
‘ग्लोबल रिच अष्ट्रेलियन एजुकेसन फेयर’ माघ ५ बाट, अष्ट्रेलियाका २५ बढी युनिभर्सिटीका प्रतिनिधि आउने
जलविद्युत कम्पनीका शेयरमा लगानीकर्ताको आकर्षण, एक महीनामा १९.६४ % बढ्यो परिसूचक
माघे सङ्क्रान्तिको दिन टुँडिखेलमा भीडमा च्यापिएर ११ जना घाइते
लक्ष्मी सन्राइज बैंकको २३औं साधारण सभा
बाटोले विकासको सम्भावना खुलेको छ : अर्थमन्त्री डा. महत
३८ करोडले घट्यो चिया निकासी
पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क
कृषिमा लगानीको तयारी गर्दै भाटभटेनी
नृसिंहधाम, जहाँ बन्नेछ नेपालको पहिलो पानीमुनिको मन्दिर ! [तस्वीरहरू]
विद्युतीय तार भूमिगत : साढे २ वर्षमा सक्नुपर्ने काम ४ वर्षमा पनि सकिएन