भ्रमण वर्ष २०२० को सचिवालय राख्न सौन्दर्यीकरण गरिँदैछ एक शताब्दी पुरानो केशरमहल (फोटो फिचर)

टीपी भुसाल

जेठ ८, काठमाडौं । नेपाल भ्रमण वर्ष २०२० को सचिवालय लैनचौरस्थित केशरमहलमा रहने टुंगो लागेसँगै यति बेला केशरमहललाई सिंगारिदै छ । सचिवालयको लागि घर भाडामा लिन सूचना जारी गरेको सचिवालयले अन्ततः केशरमहलको पुस्कालयमा सचिवालय राख्ने निर्णय गरेपछि रंग रोगन शुरु गरिएको छ । अहिले सचिवालयको लागि उपलब्ध भवनको रंग रोगन तथा सुन्दरीकरण कार्य भइरहेको छ । एक शताब्दी पुरानो ऐतिहासिक स्थलमा सचिवालय राख्दा नेपाली सम्पदाको संरक्षण हुने भएकोले केशरमहलमा सचिवालय स्थापना गरिएको संयोजक सुरज वैद्यले बताए ।

२०७२ सालको भूकम्पले पुस्तकालयको पछाडिको भवनमा धेरै क्षति भएपनि सचिवालयको लागि उपलब्ध गराइएको भवन भने बस्न लायक रहकोले सचिवालयलाई प्रयाग गर्ने गरी दिइएको केशर पुस्तकालयले जानकारी दिएको छ । सचिवालयलाई उपलब्ध गराएको यो भवनमा केशरशमशेरले प्रयोग गरेका दराज, कुर्सी, टेबुलदेखि शताब्दी पुराना विभिन्न सामग्रीहरु छन् ।

यस्ता ऐतिहासिक वस्तुहरु आफैंमा पर्यटकीय वस्तु भएकोले यसको संरक्षण आवश्यक भएको नेपाल पर्यटन बोर्डका प्रमुख कार्यकारी अधिकृत दिपकराज जोशीले बताए । उनले यो स्थानलाई भ्रमण वर्षको सचिवालयको रुपमा प्रयोग गर्दा यसको ऐतिहासिक पक्ष थप उजागर हुने बताए ।

तस्वीर : प्रदीपकुमार श्रेष्ठ/आर्थिक अभियान

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस