फोटो फिचर : १६ औं धान दिवसका क्रियाकलापहरु

नरहरि आचार्य

असार १४,काठमाडौं (अस) असार १५ अर्थात् धान दिवस अझ भन्ने हो भने दही चिउरा खाने दिन । ‘धान खेतीमा प्रविधि र यान्त्रीकरण, चामल आयातमा न्यूनीकरण’ भन्ने नारासहित १६ औं धान दिवसका अवसरमा मुलुकका विभिन्न भागमा धान रोपेर धान दिवस मनाइयो । धान दिवसका अवसरमा कतै आधुनिक प्रविधिको प्रयोग गरेर धान रोपियो भने कतै खनेर र बाउसे गरेर भएपनि धान रोपियो । सोही अवसर पारेर सुदूरपश्चिम प्रदेशका भौतिक योजना तथा पूर्वाधार मन्त्री पठान सिंह बोहरा सहितका सहभागी बाजागाजा सहित धान रोप्ने कार्यक्रममा गएका थिए । उनले कञ्चनपुरको कृष्णपुर नगरपालिका ६ बञ्जरियामा आधुनिक यन्त्रद्वारा धान पनि रोपेका थिए । त्यसैगरी राष्ट्रिय धान दिवसकै अवसरमा दाङको तुलसीपुर उपमहानगरपालिका–१५ कञ्जुवारमा भएको धान रोपाइँ महोत्सवमा धान रोप्दै उपमहानगरपालिका प्रमुख घनश्याम पाण्डे । उसो त दिपायलमा भने भएन धान रोपाइँ । किन कि देशभर धान रोपाइँ दिवस मनाइरहेका बेलामा पानी नपर्दा डोटीको दिपायलमा धानको बिउसमेत कृषकले राख्न पाएका छैनन् । असारको मध्यसमय वित्न लाग्दा पनि पानी नपरेर खेत बाँझै छन् । उता पोखरामा भने पोखरा पर्यटन परिषद्को आयोजना एवं नमूना कृषि गाउँ महतगौंडा–दोविल्लाको सह–आयोजनामा पोखरा १७ मा असारे रोपाइँ महोत्सवका अवसरमा परम्परागत स्याखु बोकेर रमाउँदै थिए विदेशी पर्यटकहरु । आर्थिक अभियानका फोटोग्राफर मोनिका मल्ल भक्तपुर जाँदा धान दिवसका अवसरमा कोहि धान रोप्दै गरेको सेल्फि लिन व्यस्त थिए भने कोहि त हिलो छ्याप छ्याप गर्दै थिए । केहि महिला तस्वीर खिच्दै गर्दा हाँसिरहेका थिए । त्यस्तै केहि  महिलाहरु भने असारे भाकामा गित गाउँदै धान रोप्न व्यस्त थिए । तस्वीरहरु: रासस तथा मोनिका मल्ल /आर्थिक अभियान हेर्नुहोस तस्वीरहरु :

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस