भदौ १५, चितवन । यती एयरलायन्सले आइतवार(आज)देखि पोखरा –भरतपुर उडान शुरु गरेको छ ।
एयरलाइन्सका भरतपुर शाखाका प्रबन्धक अनुप ढकालका अनुसार यतीको जहाज आइतवार बिहान १०ः५० मा पोखराबाट भरतपुर र भरतपुरबाट ११ः३० बाट पोखरा उडान गर्ने छ ।
पहिलो दिन मौसम अनुकुल नभएका कारण भरतपुर आइपुग्न केहि समय लाग्ने श्रोतले बताएको छ । ३० सिट क्षमताको उक्त जेडस्टिम जहाज हालका लागि एक उडान मात्र गर्ने उनले बताए ।
उक्त उडानका लागि १२ देखि १३ मिनेट समय अवधि लाग्ने उनले बताए ।
पोखरा –भरतपुर उडानका लागि प्रतियात्रु रू.२ हजार ५०० भाडादर कायम कायम गरिएको छ । कम्पनीको सेवा विस्तार, नेपाल भ्रमण वर्ष २०२० लक्षित गर्दै दुई पर्यटकीय स्थल जोड्न उडान शुरु गरिएको हो ।
यसअघि बुद्ध एयरको जहाजले एउटा उडान गर्दै आएको थियो । भरतपुर–पोखरा हाल बुद्ध एयरले उडान गर्दै आएको छ ।
सो एयरलायन्सले एकतर्फी भाडा रू.३ हजार ८०० लिने गरेको छ । यती एयरलायन्सले हाल भरतपुर–काठमाडौं भने दैनिक चार ओटा उडान गर्दै आएको छ ।