असार ७ चितवन । जिल्ला प्रहरी कार्यालय चितवनले लागु औषध सहित पाँच जनालाई पक्राउ गरेको छ ।
पक्राउ पर्नेहरुमा भरतपुर महानगरपालिका वडा नम्बर २२ का २६ वर्षीय आशिष थापा, २२ वर्षिया कञ्चन उपरकोटी, भरतपुर महागरपालिका वडा नम्बर ३ कै २२ वर्षिय अविनास बोटे, वडा नम्बर ४ का २१ वर्षिय भुदत्त परियार र गैडाकोट नगरपालिका वडा नम्बर १६ की १९ वर्षिय बविता महतो रहेको कार्यालयका प्रहरी निरीक्षक सुवास भट्टले जानकारी दिए ।
उनीहरुलाई शुक्रवार भरतपुर महानगरपालिका वडा नम्बर २ विक्रममार्गबाट पक्राउ गरिएको हो । उनीहरुको साथबाट फेनारगन २५५ एम्पुल, माफिन २५५ एम्पुल, डाईजेपाम २५५ एम्पुल वरामद गरिएको प्रहरी निरीक्षक भट्टले बताए ।
पक्राउ परेका सबैलाई आइतवार नै जिल्ला अदालत चितवनमा लागुऔषध ओसारपोसारमा मुद्धा दर्ता गरिएको उनले जानकारी दिए । उनीहरुलाई लागुऔषध नियन्त्रण ऐन २०३३ अनुसार मुद्धा दर्ता गरिएको हो ।