भरतपुरको तरकारी बजारमा कोरोनाको त्रास

पीसीआर परीक्षण गराउन व्यवसायीको माग

सूर्यप्रसाद अधिकारी

साउन ३२, चितवन । मानिसको बढी भीडभाड हुने क्षत्रमध्ये पर्ने तरकारी तथा फलफूल बजारमा कोभिड–१९ को जोखिम बढे पनि नमूना परीक्षण गर्न नपाउँदा सम्बद्ध व्यवसायी निराश बनेका छन् । भरतपुरको क्षेत्रपुरमा रहेको फलपूmल तथा तरकारी थोक तथा खुद्रा बजार र लायन्सचोकमा रहेको तरकारी बजारमा मानिसको भीड हुने गरेको छ, जसका कारण आफूहरू उच्च जोखिममा रहेको भन्दै व्यवसायीले तत्काल पीसीआर परीक्षण गराउन माग गरेका छन् । 

भरतपुर महानगरपालिका–३ स्थित लायन्स चोकभित्र तरकारी पसल गर्दै आएका राजेश केशरी आफूहरू दिनहुँ त्रासमा व्यवसाय चलाउनुपरेको बताउँछन् । ‘बिहानदेखि बेलुकासम्म पसलमै हुन्छु,’ उनले भने, ‘ग्राहकको भीड हुन्छ । भीड नगर्नु भन्दा मान्दैनन् ।’ लकडाउन शुरू भएदेखि हालसम्म नियमित पसल खुले पनि हालसम्म आफूहरूले कुनै परीक्षण गर्न नपाएको उनले बताए । तरकारी बजारमा दिनहुँ नयाँ व्यक्ति आउने, कतिपयले मास्कसम्म प्रयोग नगर्ने गरेकाले संक्रमणको  जोखिम बढेको उनको भनाइ छ ।

बजारको केन्द्रमा रहेकाले यहाँ थोक तथा खुद्रा कारोबार गर्नेहरूको भीड हुन्छ । जिल्ला तथा बाहिरका व्यवसायी पनि खरीद तथा विक्रीका लागि आउँछन् । कतिपय ग्राहक तथा उपभोक्ताले सामाजिक दूरी पालना नगर्ने, मास्क तथा स्यानिटाइजर प्रयोग नगरेकाले पनि जोखिम बढेको व्यवसायीको भनाइ छ । सिद्धि विनायक आलु भण्डारका सञ्चालक सन्तोष गुप्ता विशेषगरी भारतीय सिमानाबाट मानिसहरू आउँदा आफूहरू संक्रमणको त्रासमा रहेको बताउँछन् । ‘परिवार पाल्न व्यापार गर्नैप¥यो,’ उनले भने, ‘तर यहाँ न अनुगमन हुन्छ, न त हाम्रो नमूना जाँच नै ।’ 

यहाँको थोक बजारमा थोक आलु, लसुन तथा स्याउ आपूर्ति गर्दै आएका प्रकाश श्रेष्ठ आपूmहरूको सुरक्षाप्रति सरकार उदासीन भएको बताउँछन् । ‘कोरोना संक्रमणको दृष्टिले तरकारी बजार जोखिमपूर्ण र संवेदनशील क्षेत्र हो,’ उनले भने, ‘तर अहिलेसम्म नमूना परीक्षण गरिएको छैन ।’ पहुँचवालाले मात्र परीक्षण गर्दै आएको र आफूहरूलाई बेवास्ता गरिएको भन्दै उनले असन्तुष्टि पोखे । 

‘कि राज्यले तरकारी बजार बन्द गर्नुप¥यो, कि व्यवसायीको चेकजाँच हुनुप¥यो,’ उनले भने ‘हामी जोखिमपूर्ण रूपमा काम गर्न सक्दैनौं ।’ कालीमाटी तरकारी तथा फलफूल बजार लगायत अन्य ठाउँका व्यवसायीको नमूना परीक्षण गरे पनि यहाँका व्यवसायीको परीक्षण गर्न भने सम्बद्ध निकाय उदासीन र लाचार बनेको उनको आरोप थियो । स्थानीय निकाय, जिल्ला जनस्वास्थ्य कार्यालय, स्थानीय प्रशासन जस्ता निकायले पनि यस्ता क्षेत्रमा जोखिम नियन्त्रणमा खासै ध्यान दिएको पाइँदैन । 

भरतपुर महानगरपालिका–३ का अध्यक्ष चन्द्रमित्र पण्डित यो वडा बजार क्षेत्र भएकोले पनि संवेदनशील रहेको बताउँछन् । त्यसैले जोखिम न्यूनीकरणका लागि वडाले टोल विकास संस्थासँग समन्वय गरेर काम गरिरहेको उनको भनाइ छ । ‘तरकारी तथा फलपूmल बजार, होटल, अटोमोबाइल क्षेत्र, यातायात मजदूर बढी रहेको क्षेत्र यही वडामा पर्छ,’ उनले भने, ‘सबैको एकैपटक पीसीआर परीक्षण गर्न समेत कठिन छ ।’ तरकारी बजारको हकमा भने आफूले महानगरसँग सुझाव पीसीआर परीक्षण गराउन पहल गर्ने आश्वासन  उनले दिए । 

महानगरपालिका स्वास्थ्य शाखाका कन्ट्याक्ट ट्रेसिङ संयोजक केशव भट्ट शंकास्पद क्षेत्र र जोखिम क्षेत्रको नियमित छड्के जाँच गर्दै आएको दाबी गर्छन् । ‘आप्mनो क्षेत्रको नियमित अनुगमन गर्ने, जाँच गर्ने वडाको काम हो,’ उनले भने, ‘लक्षण देखिएका र जोखिम क्षेत्रको छनोटको आधारमा चेकजाँच गर्दै आएका छौं ।’ आपूmमा कोभिडसँग मिल्दोजुल्दो लक्षण भए भरतपुर अस्पतालमा गएर नमूना परीक्षण गर्न सकिने उनको भनाइ छ । तर भरतपुर अस्पतालमा आफ्नो इच्छा अनुसार नमूना परीक्षण गर्न जो कसैले पाउने गरेका छैनन् ।
 

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस