मदन लम्साल
झमझम झरी । खुलामञ्चमा रुझ्दै मानिसहरू टपरीमा भात मुछेर खाइरहेका । यस्तो दृश्य देख्दा सरकारलाई पक्कै ग्लानि हुँदो हो । डाह, छटपटीे, निराशा भएकाले झुन्डिएरै मरौं जस्तो लाग्दो हो । यस्तो देख्दा आफैले सार्वजनिक कार्यक्रममा ‘कोही भोकले मर्नु पर्दैन’ भनेर छाती पिटेका प्रधानमन्त्री त झन् कति आहत–मर्माहत हुन्छन् होला । बिचरा प्रधानमन्त्री दिनको १८–२० घण्टा यिनकै लागि खटिरहेका छन् ।
आफै अब प्रधानमन्त्री ओली मन्त्रालय टुक्य्राएर धेरैलाई मन्त्री बनाए देश र जनताका समस्या समाधान हुन्छन् भन्ने निष्कर्षमा पुगेका छन् रे । किनकि अहिले केन्द्रमा जम्मा २२ मन्त्रालय र ती मातहत ५७ ओटा मात्र विभाग छन् ।
दशैंको मुखमा रोगले भन्दा भोकले मरिएला भन्ने डरले गर्दा भारत फर्कने लाखौं नेपालीको ताँती छ । ८० लाख विद्यार्थीले पढ्न पाएका छैनन्, त्यसै समय खेर फालिरहेका छन् । त्यसैले त सरकार एकदमै गम्भीर बनेको देखिन्छ । यस्तो गम्भीर र तल्लीन भएर त विश्वका कुनै पनि सरकार लागेका छैनन् होला ।
तर जनताका समस्या हल गर्न लाग्नुभन्दा पहिले सरकार र पार्टीका कुरा मिलाउनु परेर पो केही ढिलो भएको त ! हो, त्यसैमा त अहिले सरकार र पार्टी लागिरहेको छ । नेपालमा पार्टी भनेको सरकार हो र सरकार भनेको पनि पार्टी नै त हो नि । त्यसैले अहिले महीनौंदेखि नेकपाका डबल अध्यक्षहरू छलफलमा व्यस्त छन्, कसरी धेरैभन्दा धेरैलाई मन्त्री बनाउने भन्ने प्रयास जारी छ ।
उनीहरू दिनहुँ तीन–तीन घण्टा सँगै बस्छन्, सँगै खान्छन् र घनीभूत छलफल गर्छन् । कुराकानी हुन्छ । कुरा मिल्दैन । भोलिपल्ट फेरि तिनै पुरानै कुराबाट छलफल आरम्भ हुन्छ र, त्यहीँ पुगेर कुराकानी टुंगिन्छ । अनि यस्तै गम्भीर कुराकानीमै प्रशस्त प्रयास भइरहेका छन् । यसरी गम्भीर भएर पार्टी र सरकारको बैठक विश्वमा कतै बसेको सुन्नुभएको छ ?
मन्त्रिपरिषद् पुनर्गठनको मोडालिटीमै दुईजना अध्यक्षबीच कुरा नमिलेकोले बाँकी कुरा मिलेको रैनछ । दुईजना अध्यक्षबीच कुरा मिल्नेबित्तिकै सबै मिल्ने रैछ । नमिल्दा देशमा सबै कुरा डामाडोल हुँदो रैछ । सरकारको मर्का नबुझी काम मात्र गरेन भनेर जनता यसै किचकिच गर्छन् भन्या !
अब प्रधानमन्त्री ओली मन्त्रालय टुक्य्राएर धेरैलाई मन्त्री बनाए देश र जनताका समस्या समाधान हुन्छन् भन्ने निष्कर्षमा पुगेका छन् रे । किनकि अहिले केन्द्रमा जम्मा २२ मन्त्रालय र ती मातहत ५७ ओटा मात्र विभाग छन् । प्रदेशका काम समेत केन्द्रबाटै हेर्नु परिरहेको छ । अनि मितव्ययी बन्ने भन्दैमा यति थोरै मन्त्रालय र विभागले तीन करोड जनताका सेवा कसरी गर्न भ्याउँछन् र ? त्यसैले दलभित्रको भागबण्डा मिलाउन पनि मन्त्रालय नटुक्य्राई नहुने भा छ रे ।
अर्को कुरा कतिपय मन्त्रालयको नामै लामो क्या । छोट्याउन परेन त ? किनभने मन्त्रालयको पूरा नाम भन्न जनतालाई कम आपत् छ ? त्यसैले नटुक्य्राई नहुने छ रे । जस्तै, अब भौतिक पूर्वाधार तथा यातायात मन्त्रालयलाई टुक्य्राएर भौतिक पूर्वाधार एउटा, यातायात, रेल र पानीजहाज मन्त्रालय अर्कै बनाउने रे । अब एउटा शब्द मात्र जान्दा भइगो जस्तै, रेल मन्त्रालय । भारतमा रेल मन्त्रालय भएपछि नेपालमा पनि एउटा त्यस्तै चाहिएन ?
प्रधानमन्त्री भएपछिको साढे दुईवर्षे कालमा ओलीले ११ पटक मन्त्रिमण्डल विस्तार तथा हेरफेर गरिसकेका छन्, अर्थात् मन्त्रिमण्डल अस्थायी भयो । यद्यपि ओली सरकार भने अझै स्थायी नै छ है ।
अनि जनताका हितकै निम्ति भनेर १२औं पटक मन्त्रिपरिषद् पुनर्गठनको तयारीमा ओली पेटी कसेर लागेका छन् । अब भने सरकारलाई सफल बनाउनका लागि नयाँ मन्त्रीका नयाँ गुण, योग्यता र दक्षताहरू पनि तय भएको कुरा बाहिर आएका छन् । यिनै गुणले सम्पन्न मानिसहरू पार्टीभित्र खोज्ने क्रम तीव्र भएका कुराहरू विशेष स्रोतबाट थाहा भएको छ ।
मन्त्री छनोटका आधार यस्ता छन् रे :
मन्त्री हुन अरू के कस्ता योग्यता चाहिन्छन्, थप्नु हुन सम्बन्धित सबैलाई अनुरोध छ है !
पेट्रोल–डिजेलको मूल्य घट्यो
‘ग्लोबल रिच अष्ट्रेलियन एजुकेसन फेयर’ माघ ५ बाट, अष्ट्रेलियाका २५ बढी युनिभर्सिटीका प्रतिनिधि आउने
जलविद्युत कम्पनीका शेयरमा लगानीकर्ताको आकर्षण, एक महीनामा १९.६४ % बढ्यो परिसूचक
माघे सङ्क्रान्तिको दिन टुँडिखेलमा भीडमा च्यापिएर ११ जना घाइते
लक्ष्मी सन्राइज बैंकको २३औं साधारण सभा
बाटोले विकासको सम्भावना खुलेको छ : अर्थमन्त्री डा. महत
३८ करोडले घट्यो चिया निकासी
पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क
कृषिमा लगानीको तयारी गर्दै भाटभटेनी
नृसिंहधाम, जहाँ बन्नेछ नेपालको पहिलो पानीमुनिको मन्दिर ! [तस्वीरहरू]
विद्युतीय तार भूमिगत : साढे २ वर्षमा सक्नुपर्ने काम ४ वर्षमा पनि सकिएन